Dizionari de Lenghe Furlane

parâ indenant    [CO]

1. loc.v. fâ lâ indenant intal spazi:  Anzul che al lave a menâ une cjarie di ledan tal Cuadrel. Anzul al fermà il cjar par saludâle. Jê no saveve de disgracie di Rico. «Un brut câs… nol veve di fânus chê part, Miute.» al dîs Anzul, e al pare indenant i bûs (Pieri Menis, A uciei cu lis archetis)
   Sin. mandâ indenant , mandâ indevant , parâ indevant
2. loc.v. mandâ cdn. a frontâ alc prime di altris:  a jerin moments che no si podeve mateâ, plens di suspiets e di spions. E alore o ài pensât di parâ indenant, a mostrâ la muse, int buine, di sest, ma che no faseve pôre e che no jere cjalade di neri (Antoni Beline, Felix Marchi e Marie Del Fabro: une vite par une idee)
   Sin. mandâ indenant , mandâ indevant , parâ indevant
3. loc.v. fâ che alc al tachi e al ledi indevant intun procediment, intune trafile e v.i.:  e je une iregolaritât che no permet di parâ indenant la pratiche
   Sin. mandâ indevant , mandâ indenant , parâ indevant
4. loc.v. fâ che alc al funzioni, che al ledi indevant ben:  i prins agns al veve vût cefâ a parâ indenant di bessôl il lavôr (Roberto Ongaro, Cretevierte)
   Sin. mandâ indevant , mandâ indenant , parâ indevant
5. loc.v. movisi indenant, seguitâ a lâ
   Sin. lâ indevant , lâ indenant , lâ dilunc , parâ vie
   
   1. seguitâ a sucedi
   2. procedi e in câs rivâ insom cun ce che si è daûr a fâ o a dî:  "Bon, lui no si à ruvinât piês di se che al era, ti lu siguri! E po, o cussì o…" "Ok, pare indenant!" (Stiefin Morat, Donald dal Tiliment)
   3. continuâ:  al parave indenant a contâmi di cemût che cuatri agns indaûr al ves fat un plasê a un ciart Konko (Stiefin Morat, Donald dal Tiliment)

Components:

• indenant av., adi.inv., s.m.inv.
• parâ v.tr.