Dizionari de Lenghe Furlane

mandâ indenant    [CO]

1. loc.v. fâ che cdn. o alc si movi indenant o mandâ cdn. intune posizion che e je devant di altris:  al mandà indenant lis bestiis sflocant la scorie parsore de lôr schene (Pieri Menis, Chei di Muraie)
   Sin. mandâ indevant , parâ indenant , parâ indevant
2. loc.v. fâ che alc al tachi e al ledi indevant intun procediment, intune trafile e v.i.:  "[…] son cjartis che a no spietin e bisugne mandâlis indenant" (Pieri Somede dai Marcs, Un pugn di moscjis); ogni sentade e varès vude la presince di un funzionari de Regjon in posizion di diretôr burocratic dal servizi des lenghis minoritariis, cuntun segretari che al verbalizave e al mandave indenant lis pratichis dal ufici (Adrian Cescje, Memoriis di politiche linguistiche)
   Sin. mandâ indevant , parâ indenant , parâ indevant
3. loc.v. fâ che cdn. al ledi dilunc intun percors, intune cressite, intune jerarchie e v.i.
4. loc.v. fâ che alc al funzioni, che al ledi indevant ben:  l'impegn di mandâ indenant la cjase e i cjamps (Gianni Gregoricchio, Trê feminis); il 1990 al è l'an de crisi plui fuarte vivude di Onde Furlane. Une crisi tai rapuarts internis di chei che le àn fondade e le mandin indenant (Max Mauro, Un Friûl difarent: i 90 mhz di Onde Furlane)
   Sin. mandâ indevant , parâ indenant , parâ indevant

Components:

• indenant av., adi.inv., s.m.inv.
• mandâ v.tr.