Dizionari de Lenghe Furlane

disvilupât  dis|vi|lu|pât  [AF]

1. p.pass., adi. viôt disvilupâ , viôt disvilupâsi
2. adi. che al à une alte funzionalitât, capacitât, precision, cuantitât, complessitât e v.i.:  prime dai cuatri agns, la memorie declarative e je cetant pôc disvilupade (Franc Fari, Il cjâf dai furlans); la cuantitât dai scrits gjornalistics par furlan no je disvilupade tant che in altris lenghis (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
   Sin. alt¹ , fin¹ , svilupât
3. adi. progredît dal pont di viste sociâl e economic:  un Friûl disvilupât, onorât tal mont pai siei ponts di ecelence, ben posizionât (Sergio Cecotti, La tierce cuistion furlane)
   Sin. avanzât , evolût , progredît , prospar¹ , svilupât
4. adi. di individui, che al tache a mostrâ i caratars fisics e psicologjics tipics di un adult
   Sin. svilupât