prin
prin
[FO]
-
adi.num., pron.num.
che intune schirie al è tal puest numar un, che al ven denant di ducj chei altris intune cjadene numeriche, temporâl, o spaziâl, o logjiche:
ogni an, la prime domenie di Lui, e jere une grande fieste che e clamave int di dutis lis bandis (Pieri Menis, Une letare par Bepo);
di chê altre bande, il prin paîs si clamave Goeschenen (Agnul di Spere, Fieste di inaugurazion);
la prime robe impuartante de leç e je la liste che e individue lis minorancis (Adrian Cescje, Memoriis di politiche linguistiche);
a corevin come gjats sù e jù pai spargai da li scjali a man, a riscju da crevâsi li gjambi par rivâ prins (Novella Cantarutti, Il curtîf dai Cocs)
Sin. chel prin
, un1
-
metût daspò un non di sovran o di pape in numars romans, al pant il puest cjapât di lui inte schirie di chei che a àn puartât chel non istès:
Oton I […] dal 967 al meteve tes mans dal patriarcje Rodoalt dut il teritori furlan tra la Stradalte e il mâr (Josef Marchet, Cuintristorie dal Friûl fin sot la Italie)
-
par componi altris ordenâi di ordin di grandece superiôr:
vincjesim prin
-
s.m., pron.num.
par indicâ cun clarece un element intune liste, intune descrizion e v.i.:
i Wittelsbach di Baviere e i Hohenzollern dal Brandenburghês a àn doprât il catolicisim, i prins, il protestantisim, i seconts, cun chê di meti impins regjims assolutiscj (Fabian Ros, La invenzion dal stât)
-
adi.num., pron.num.
che al è tal principi tal timp, tal spazi o in cualchi ordin:
la scuadre furlane e rive a segnâ tai prins minûts, no si scompon denant dai tentatîfs gjenerôs dai aversaris e in plui ocasions si svicine al secont gol (Marc Stolf, Entella - Pordenone 0-1);
al vierç la puarte e si bute fûr, si inçopede sul prin batût de cort, al clope tai prins pas su la glerie (Franco Marchetta, Madalene)
Sin. iniziâl
-
adi.num., pron.num.
plui dongje intal timp, spec. tal futûr, o tal spazi:
a la prime ocasion che mi capità, le tovai a cjase (Tarcisio Venuti, La cjase di Toni);
lant jù pes scjalis, la prime puarte e da in cusine (Alan Brusini, Gian Paolo Linda, I forescj)
-
adi.num., pron.num.
che al è te sô fase iniziâl:
a cjaval tra fin votcent e prin nûfcent a nassin lis primis fabrichis (Rino Gubiani, Studi da la evoluzion dal paisaç mediant i toponims)
-
no definitîf, provisori:
Moret al à lamentât che Lamuela nol à scoltât ce che e veve osservât la Filologjiche su la prime version de sôs sieltis (Adrian Cescje, Memoriis di politiche linguistiche)
-
adi.num., pron.num., s.m.
(fig.)
che, cui che al è miôr, plui adalt in cualitât, jerarchie, scjale sociâl e v.i.:
lôr i prins dal paîs e lui l'ultin biadaç dal comun (Antoni Beline, Pre Pitin)
-
adi.num., pron.num.
plui impuartant, fondamentâl:
par une radio privade il prin probleme di frontâ par no riscjâ di sierâ buteghe dopo un mês, al è chel des risorsis economichis (Max Mauro, Un Friûl difarent: i 90 mhz di Onde Furlane)
Sin. capitâl1
, classic
, dominant
, eminent
, essenziâl
, fondamentâl
, principâl
, prominent
, sostanziâl
, sovran
-
s.m.
il dì 1 dal mês, dal an e v.i.:
la sere dal prin di Novembar si prepare in cusine i cjaldîrs di aghe frescje pai muarts che in chê gnot, a tornaran ognun te lôr cjase (Riedo Pup, I furlans e i muarts)
-
tal pl., i dîs che a son sul tacâ de setemane, dal mês, dal an e v.i.:
si sa che [I Langobarts] i prins di Avrîl dal 568 a rivarin a Cividât e il lôr re Alboin al stabilì come duche so nevôt Gjisulf (Josef Marchet, Cuintristorie dal Friûl fin sot la Italie)
-
ancje in riferiment a altris dadis di timp, tant che i agns tal principi di un secul o frazions gjenerichis di timp:
un document di Francesco Rota […] al è une vore util par capî cuale che e jere la situazion sociâl e economiche […] dal Friûl ai prins dal Votcent (Adrian Cescje, Liniis di storie sociâl e economiche dal Friûl 1500 - 1800);
mil agns, cussì dongje il fûc dai prins dal Invier. A ardin insom dal timp i fûcs antîcs dai vons celtics (Dino Virgili, La aghe da pît la cleve)
-
s.m.
viôt minût prin
-
s.m.
viôt prin plat
:
i cjarsons a son un prin cun alc di dolç (Sandri Carrozzo, Une regjon di cerçâ)
-
av., adi.inv.
intun moment anteriôr rispiet a cuant che si fevele o a cuant che si riferìs il discors:
e simpri a mi spaventa / chesta straçaria / prin imbastî un afiet e po butâlu via (Giorgio Ferigo, Da chest paîs forest);
la dì prin students e pulizais a vevin fat une sorte di bataie, ancjemò plui dure di chê di une setemane prin (Agnul di Spere, In viaç di domenie);
la Vire […] e jere rivade in glesie a messe finide, e voleve vê il so piç di cinise sul cerneli. «Ma il plevan nol è plui», i diseve la Ulvine […] «Tu vevis di rivâ prin» (Meni Ucel, La cinise)
Sin. prime1
, denant
, devant
-
intun timp plui curt:
il zovin si jera ustinât di tignì sù la vela, sperant di finî prima il so viaç (Federigo Comelli, Il me paîs)
-
ancje in riferiment a spazi, ordin logjic, impuartance e v.i.:
[il tren di saorne] al è une sorte di casselot cjamât […] in mût che cul pês al salti par aiar lui se mai e fos minade la linie e al pari […] il convoi in spiete te stazion prime (Ivano Urli, Storie di Min);
[cheste notizie] le vin cjapade sù nome parcè che si preste a cualchi riflession. Prime, par visâ che no si à di crodi dut (Riedo Pup, Dopo 50 agns lavôr ancjemò)
-
s.m.
timp o situazion che a jerin, che a son za stâts rispiet a cuant che si fevele o a cuant che si riferìs il discors:
un timp dulà che si viodevisi parsore di un fîl, in tension jenfri un prime e un dopo (Stiefin Morat, Kebar krossè)
-
s.m.
[TS]
mus.
cui che al cjante cuntune vore di abilitât, che tal cjant a plui vôs al à la part principâl:
la nestre cjantose spiçade te vôs di prin di chê fantaçute culì, no po sei se no chê da la ago frescjo di Rigulât (Dino Virgili, In scolte…)
Cfr. secont
, bas
Polirematichis e espressions idiomatichis
Proverbis:
- al è miôr vê pôre prin che no daspò
- al prin colp nol cole l'arbul
- beâts i prins fûr che jù par la aghe
- beâts i prins fûr che tes pachis
- beâts i ultins se i prins a àn creance
- come che al va l'ultin di carnevâl e il prin di cuaresime, a va dute la cuaresime
- cuant che al plûf il prin martars di lune, no si à sec plui par chê lune
- cuant che la prime nêf e ven al plan, pocje nêf in chel an
- cuant che la vacje no mangje cuant che il bo, o che e à mangjât prin o che a mangje daspò
- cui che al è l'ultin nol è mai di prin
- cui che al è prin tal mulin al masane
- cui che al fâs il prin al paie il bocâl di vin
- cui che al fâs la fuesse pai altris al è il prin a lâ dentri
- cui che al rive prin tal mulin al masane
- dai colps si vuarìs di ducj, fûr che dal prin
- diete e je la prime medisine
- e coste bêçs dome la prime boce
- falade la prime buse si lis fale dutis
- i bêçs dai vilans e i coions dai cjans a son i prins a mostrâsi
- i prins a protestâ a son i massepassûts
- i sîs ultins dîs dal an e i sîs prins a palesin i mês
- i vedui il prin dì a vain, il secont se passin, il tierç se ridin
- il pan dai coions al è il prin a mangjâsi
- il prin al busse e imbrace, il secont nice e fasse, il tierç an il malan e la malepasche
- il prin amôr nol scjampe mai dal cûr
- il prin an di matrimoni o che si inmalisi o che si fâs un coni
- il prin an di matrimoni o inmalâsi o imbechîsi o indebitâsi
- il prin capitâl al è tignî cont
- il prin dì di Inseri al è sant Pas, il secont sant Crepìn, il tierç sant Sclop
- il prin e l'ultin sgrisul a son chei pericolôs
- il prin flôr al altâr maiôr
- il prin miâr di florins al è dificil di fâ, chei altris daspò a vegnin bessôi
- il prin pinsîr al è simpri il miôr
- il prin principi al è pesant
- il prin puest si scuen lassâjal a chei di cjase
- il Signôr prin ju fâs e po ju compagne
- il sparagn al è il prin racolt
- il sparagn al è il prin vuadagn
- in cjase dai galantoms prin lis feminis e po i oms
- l'arbul si sglove prin di rivâ al cîl
- la nêf prin di Nadâl e je dute di regâl
- la prime digjestion si le fâs in bocje
- la prime educazion si imparile sui zenoi
- la prime joibe di Mai cocis assai
- la prime nobiltât e je chê des azions
- la prime ploie di Avost a rinfrescje il bosc
- la prime ploie di Avrîl il cai al salte fûr dal so covîl
- la prime robe mangjade e je chê dai mincjons
- la prime volte si perdone, la seconde si tontone e la tierce si bastone
- la prime volte si po fâje al pari eterni
- lis invenzions: prin preâ par vêlis e po parcè che lis vin vudis
- prin dal an, pas di cjan; Pifanie, pas di strie
- prin dal an, un pît di cjan; Pifanie, un pît di strie
- prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean
- prin il pecjât e po la pinitince
- prin jo e po chei altris
- prin rosis e flocs, po mierde e peçots
- prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont
- se al è bon timp il prin martars di lune, al è bon timp dute la lune