Dizionari de Lenghe Furlane

a prin colp    [BF]

1. loc.av. fin dal prin moment, cence spietâ nancje un moment o cence ritart:  a spietânus sul remis de sô cjase viere […] e jere gnagne Trude, une lontane cusine di gno pari che a prin colp e scomençà a dî che la Ghite e steve benon (Alan Brusini, L'odôr de fiere); bisugne frontâ il client di chê bande li, doprâ chê clâf li: fâi capî a prin colp, cu la nestre lenghe, che il prodot che i ufrìn al è propit furlan (Riedo Pup, In Friûl cul passepuart)
   Sin. subit , subite , daurman , dal moment , a sec , di bot , a colp sec , a colp , di buride , bot e sclop
   
   1. intun prin moment rispiet a un timp che al ven dopo:  trope int ise lade jù par la Italie di là de Plâf? A prin colp a diserin un tresinte mil, po a calcolarin sui 120.000 (Francesc Placerean, Cuintristorie dal Friûl dal 1866 fint in dì di vuê)

Components:

• colp s.m.
• prin adi.num., pron.num., s.m., av., adi.inv.