Dizionari de Lenghe Furlane

essenziâl  e|ssen|zi|âl  [AF]

1. adi. che al à a ce fâ cu la essence, cun ce che al è plui impuartant e carateristic di alc o di cdn.:  i difiets plui essenziâi de agriculture furlane (Adrian Cescje, Memoriis di politiche linguistiche)
   Sin. centrâl , elementâr , fondamentâl , sostanziâl
   
   1. che al à une vore di impuartance o che al à plui impuartance di dut:  la lenghe e je il pilastri, l'element essenziâl, la espression plui cualificant di ogni culture (Riedo Pup, Al jere une volte il furlan)
      Sin. capitâl¹ , centrâl , determinant , di fonde , elementâr , fondamentâl , primari , principâl , sostanziâl , vitâl
2. adi. che al covente par fuarce, che no si pues fâ di mancul:  meti in sigurece la Sanitât e chei altris servizis essenziâi (Sergio Cecotti, La Regjon che e covente pal Friûl)
   Sin. indispensabil
3. adi. che al à dome pôcs elements, che si fonde su la semplicitât:  la forme doprade e je sute e essenziâl, mai banâl e mai poetiche, ma scuasit fate a pueste par contâ robis semplicis e curiosis tal stes timp (Franca Mainardis, "Uchì", fûr dal solit); i nestris paîs fats di tancj borcs cun cjasis une taco la altre, tune lungje filaine. Architeture «spontanie», semplice e essenziâl (Roman Michelot, La cjase dai contents)
   Sin. cast , modest , ruvit , scarm , scarmulin , sclet , sempliç
4. adi. [TS] med. di malatie, che no dipent di altris malatiis o che no si cognòs la cause
   Sin. idiopatic
5. s.m. ce che al à plui impuartance, plui interès:  savê gjavâ vie dut ce che nol è indispensabil e focalizâ la atenzion sul essenziâl (Laurin Zuan Nardin, Un Friûl diferent?)
   Sin. impuartant
   Cfr. cûr , medole , vues , grop
6. s.m. ce che si scuen vê par fuarce
   Sin. indispensabil