Dizionari de Lenghe Furlane

centrâl  cen|trâl  [FO]

1. adi. che al è tal mieç, tal centri:  i agns centrâi dal secul ; il salon centrâl dal cjistiel; Stylicon Schäffer al veve notât un strani uficiâl tai prins bancs de navade centrâl de catedrâl gotiche di Mönchengladbach (Checo Tam, Donnerwetter)
   Sin. di mieç , grant
   
   1. che al è in centri intune citât:  la citât e jere nere di int. La place centrâl, cuadrade, e jere plene di barachis e baracons (Pieri Menis, Une letare par Bepo); un martars, rivât a Codroip, prin di tacâ marcjât, al si fermà par un bussul, al cafè centrâl (Angelo Covazzi, A tîr di doi)
   2. che al è te posizion di mieç intun teritori, ancje une vore grant:  al vendeve armis a ducj, in dut il mont, a drûs, araps di ogni fazion e di ogni stât, albanês, palestinês, ebreus, irakians, iranians, ai vuerilîrs de Americhe centrâl e meridionâl, ai delincuents, gangsters e mafiôs di ogni gjernazie (Carlo Sgorlon, Ombris tal infinît); Triest, se al vûl vivi cu lis sôs risorsis, ancje tornant sot de sovranitât taliane, bisugne che al vebi la pussibilitât di inviâ liberementri il so trafic cui stâts da la Europe centrâl (Josef Marchet, Sot di nissun)
   3. che al è tipic des zonis che a son tal mieç di un ciert teritori:  lis carateristichis dal furlan leterari che, tacant di Colorêt, si stabilìs su formis centrâls (Cristina Cescutti, Leterature furlane); si sa che une part dai "i" e dai "u" luncs dai dialets centrâi a corispuindin ai diftoncs "ei" e "ou" di une vore di altris varietâts (Xavier Lamuela, La grafie furlane normalizade)
2. adi. di istituzion, ufici, aministrazion e v.i., che al à funzions di direzion e di riferiment o che al è plui grant rispiet a altris:  la sede centrâl dal sindicât; il guvier centrâl dal stât
   Sin. grant , prin , principâl
3. adi. (fig.) che al fâs di fonde, di centri, di pivot, di cûr:  fâ i conts cu la vite: ve il grop centrâl dal probleme (Gianni Gregoricchio, Trê feminis); come che a san ducj chei che a àn un tic di pratiche di gjornâi, il diretôr al è une figure centrâl e par fuarce di robis centraliste (Max Mauro, Un Friûl difarent: i 90 mhz di Onde Furlane); la Pasche, misteri centrâl de religjon e fat centrâl de storie de salvece, e cjape dentri muart e resurezion (Antoni Beline, Sant Jacum, là che al finìs il mont)
   Sin. basilâr , capitâl¹ , di prime impuartance , essenziâl , fondamentâl , primari , principâl , sostanziâl , mestri
4. adi., s.f. [TS] mus. di note, intermedie tra chês bassis e chês altis
5. adi., s.f. [TS] fon. di vocâl, articolade te part centrâl de bocje
6. s.f. sede di comant di une arme, di une aministrazion, organizazion e sim.:  la centrâl dai vigjii dal fûc
   
   1. (fig.) citât e centri di podê principâl dal stât:  il popul talian, in grande misure, nol à capît ce robe che e je la autonomie: se al ves capît al varès obleât la centrâl romane a smolâ i cordons almancul chenti sù (Josef Marchet, M la autonomie)
   2. centri di podê politic, burocratic, economic de capitâl:  si po stâ sigûrs che i sorestants des centrâls a fasaran la onipotence par infetâ ancje l'Istitût Regjonâl, par fâlu deventâ paralitic e dispossent come che a son dutis lis istituzions coladis in man ai partîts (Josef Marchet, Barufis)
7. s.f. struture di produzion, soredut di energjiis:  dilunc la Ledre a jerin stadis progjetadis centrâls eletrichis che cumò, ancje se cun machinaris gnûfs, a funzionin ancjemò (Rino Gubiani, Studi da la evoluzion dal paisaç mediant i toponims); la centrâl di Fukushima Dai-ichi, di proprietât de Tokyo Electric Power Company (TEPCO), si cjate dongje de citât di Okuma, su la cueste nordorientâl dal Gjapon (Alessandro Pascolini, Il disastri de centrâl nucleâr di Fukushima Dai-ichi)
8. s.m. [TS] sport tal balon, un dai doi difensôrs che a zuin tal centri in difese:  il centrâl al à za cjapât un cartelin zâl par protestis
   
   1. tal volley, zuiadôr che al à la funzion principâl di parâ i atacs aversaris fasint mûr