Dizionari de Lenghe Furlane

mestri  /-è-/  mes|tri  [FO]

1. s.m. cui che al insegne, spec. di mistîr, spec. te scuele ai fruts fin a dîs agns:  la sô passion e jere chê di passâ il timp a lei libris che i imprestavin il plevan o il mestri de scuele (Pieri Menis, Chei di Muraie); lis scuelis a van simpri indenant fasint stât sul volontariât, sui mestris e professôrs che a acetin di cjamâsi ancje dal compit di insegnâ il furlan dongje de materie di titularitât (Silvana Fachin Schiavi, I dîs agns de leç n. 482/99)
   Var. maestri
   Cfr. bai¹ , docent , inscueladôr , istrutôr , precetôr , professôr
2. s.m. prin rapresentant plui impuartant di une scuele di pinsîr, di art, filosofie o sience:  un grant mestri psicologjic e spirituâl al è stât il princip Siddharta Gotama, cognossût come il Buddha, che al à vivût in Indie intal V secul prime di Crist (Franc Fari, Neurosiencis de meditazion)
   Sin. fondadôr , iniziadôr
3. s.m. cui che al è tant brâf intune dissipline, che al fâs scuele:  il profete da la unitât e grant mestri de politiche taliane, […] Machiavelli, al insegnave che la plui grande furbarie e sarès chê di no doprâ nissune furbarie (Josef Marchet, Il pietin e il grop)
   Sin. soremestri
   
   1. cui che al sa fâ alc une vore ben o che al fâs di esempli, tant positîf che negatîf:  il diaul, che ben si sa, al è mestri, cuant che al vûl, tal cjarinâ e fâ viodi il biel par brut (Roberto Ongaro, Cretevierte)
4. s.m. musicist diplomât tal conservatori:  Vigji Lunc che al mandave so fi Sergjo dal Lunc a Udin a studiâ musiche e imparâ a sunâ la armoniche di un mestri (Ivano Urli, La musiche)
5. s.m. pitôr o scultôr di une buteghe o scuele o corint artistiche:  [Afro Basaldella] al è considerât un dai mestris de scuele astrate taliane, a pâr di Guttuso e De Chirico (Luca De Clara, Afro Basaldella)
6. s.m. artesan o operari specializât, ancje tant che titul devant di non di persone:  - Jo mi implanti di marangon in cjase - dissal Nart finît il garzonât là vie di mestri Cole (Dino Virgili, La division); mestri muredôr babio dal mistîr che al veve cjapât sù stant in preson (Ivano Urli, Storie di Min); mestri Checo, il cjaliâr dal borc disore (Roberto Ongaro, Cretevierte)
7. s.m. tant che titul di rispiet, devant di un non di persone o par clamâ cdn.:  mestri Tite, il capoborc, al à mandât jù di corse un frut a Trep par che al visàs il plevan [che a vevin cjatât un muart] (Pieri Menis, A uciei cu lis archetis); mestri Jacum, parcè no vegnial a cerçâ ancje i miei miluçs? (Angelo Covazzi, I miluçs)
8. adi. di alc, plui impuartant, plui grant:  une ombrene scure e cuvierç la Madone piturade sul mûr mestri (Dino Virgili, Il mulin); Zac al jere dismontât di buride e […] al coreve dilunc il viâl mestri (Franco Marchetta, Light my Fire)
   Sin. grant , principâl

Polirematichis e espressions idiomatichis

• mestri fufigne loc.s.m.
• mûr mestri loc.s.m.

Proverbis:

• al vûl un brâf mestri a stimâ une fabriche
• ancje il boie al è mestri
• bisugne jessi prin garzon e po mestri
• bisugne jessi prin scuelârs e po mestris
• dal lavôr si cognòs il mestri
• il mâl si impare cence mestris
• in trê dîs no si devente mestris
• la dibisugne a fâs l'om mestri
• la esperience e je la grant mestre
• la necessitât e fâs l'om mestri
• la ocasion e fâs l'om mestri
• nissun mestri nol è colât dal cîl
• nissun nol nas mestri
• par decidi di une fabriche al vûl un mestri
• trist al è chel mistîr che nol manten il mestri