primari
/-à-/
pri|ma|ri
[CO]
-
adi.
che al è di grande o di massime impuartance:
l'interès primari dai furlans, in chest passaç storic, al è chel di esisti tant che sogjet politic, di vê ricognossût il lôr dirit ae esistence come comunitât (nazionâl) (Sandri Carrozzo, La fin dal Stât Nazionâl jenfri ilegjitimitât, inutilitât e paradòs, tal spieli de ipotetiche Riforme Costituzionâl taliane dal 2016);
il templi di Delfi al jere consacrât a doi cults, chel primari di Apol e che secondari di Dionis (Adrian Cescje, Viaç aes origjins dal Logos)
Sin. basilâr
, capitâl1
, centrâl
, di fonde
, essenziâl
, fondamentâl
, principâl
, prioritari
, prin
-
s.m.
[BF]
persone plui impuartante:
rivât là, i primaris del paîs, un a dispiet di chel altri, a volevin regonâsel dongje; cui lu tirave di une bande, cui di chê altre, e un al rivà fin a prometi dopli salari (Luigi Gortani, Sant Martin)
-
adi.
massime tal lengaç sientific, di organisim, fenomen e v.i., che al è il prin in ordin di cause, che al è la fonde di ce che al ven daspò:
emozions primariis a son plasês, atrat, disgust, acetazion, pôre, aviliment, maravee, soference (Franco Rosa, Lenghe e sielte de alimentazion di bande dal consumadôr);
une epilessie gjeneralizade primarie (Franc Fari, Il cjâf dai furlans)
-
s.m.
miedi che al è responsabil di un repart:
le àn mandade intun repart che par Udin al jere gnûf, la cardiochirurgjie, il primari al vignive di Milan (Mario Beltramini, Jo e Graziella);
in plui dai infermîrs al jere rivât ancje Jacum, il primari, compagnât di un assistent (Amedeo Giacomini, Tal ospedâl)