Dizionari de Lenghe Furlane

sempliç  /-è-/  sem|pliç  [FO]

1. adi. fat di une part sole:  sostituzion di veris sempliçs cun veris doplis (Marc Stolf, 250 mil euros di incentîfs de eficience energjetiche)
   Sin. ugnul
   Var. simpliç , simplis , semplis
   
   1. fat di pocjis parts o cuntune struture pôc complicade:  i struments de produzion a puedin sei sempliçs o complès e potents (Adrian Cescje, Liniis di storie sociâl e economiche dal Friûl 1500 - 1800)
   2. cence zontis:  dome aghe semplice o aromatizade cun cualchi fuee di mente (Guglielmo Pitzalis, Mangje san 2)
2. adi. cence complicazions, cence dificoltâts, facil di capî, meti in vore e v.i.:  la grafie e à di vê la massime funzionalitât: e à di jessi semplice e no à di provocâ problemis pratics te riproduzion mecaniche dai tescj (Xavier Lamuela, La grafie furlane normalizade); se al fos stât sempliç lu varès bielzà fat (Carlo Sgorlon, Ombris tal infinît)
   Sin. acessibil , capibil , comprensibil , elementâr , ladin¹ , plan¹ , sclet
3. adi. cence masse decorazions, ornaments, elaborazions o elements in plui:  in cjase di siore Marceline dut al jere sempliç e cjalt come i siei canelons che a florivin tal puest dai rosârs (Maria Forte, Cjase di Dalban); bielis zovinis vistudis in mût sempliç e cence chê ande che a àn chês de mê citât (Checo Tam, La maree nere); architeture «spontanie», semplice e essenziâl, però in armonie cul ambient (Roman Michelot, La cjase dai contents)
   Sin. essenziâl , rût¹
4. adi. di persone o di maniere di jessi, di vivi, di fâ e v.i., naturâl, spontanie:  chê vite semplice ta chel paisut sierât fra lis monts, nol jere che i displasès (Roberto Ongaro, Cretevierte); une femine e pues preâ il Signôr dì e gnot cuant che i capite tai pîts un zovin cence crestis e sempliç come chel (Costantino Smaniotto, Co l'amôr al cimie)
   Sin. a la buine , a la man , franc , sclet
   
   1. cence malizie, ingjenui,:  cu la inocence de sô anime semplice mi pandeve i tremôrs dal prin amôr (Gianni Gregoricchio, Trê feminis)
   2. s.m. cui che al è spontani e cence malizie:  otignî il consens dai sempliçs (Adrian Cescje, Viaç aes origjins dal Logos)
5. adi. di nivel jerarchic bas:  Napoleon e Milcare e jerin fradis e soldâts insiemi. Nome che Napoleon al jere tenent e Milcare, che al jere plui vecjo, soldât sempliç (Alan Brusini, Amîs come prime)
6. adi. cun valôr di limitazion gjeneriche:  e je necessarie une diference tra Garibaldi che al jere un sempliç gjenerâl e Vitorio Manuel che al jere un re (Guido Antonioli, Florean dal Palaç, I, 1)
7. adi. [TS] fon. di articolazion, di durade curte
   Sin. curt