Dizionari de Lenghe Furlane

ladin¹  /-ìn/  la|din  [BF]

1. adi. bon o ancje debil di caratar, puartât a complasê:  barba Bortul, nol era tant ladin cun chei che a volevin curiosâ tai fatus sios (Aldo Tomè, Barba Bortul di Manià - Il Strolic furlan pal 1991); la madona dura, vistida di negri, cu li mans tal grim e il misseir che al veva un fâ pi ladin (Novella Cantarutti, Li clâfs)
   Sin. tenar , mol¹ , bon , dolç
2. adi. che al va, che si met in vore cun facilitât:  i açalins de sclope e son masse ladins, par me (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. svelt , asiât¹ , slis
   
   1. (fig.) che al cambie cuntune vore di facilitât:  une lune rançon si niçule ladine a fîl de aghe grispade da bugadis lizeris di aiar (Sandri Di Suald, Ah! la provincie); propi a Gurissa plui che no a ogni altri lûc dal Friûl a gji tocja una part garba e ladina. E justa in pont par chist cui che l'indibulìs Gurissa, al indibulìs la Italia sul cunfin che l'à costât tant sanc (Ugo Pellis, Il salût dal President de Filologjiche al Congrès di Gurize)
      Sin. balarin

Polirematichis e espressions idiomatichis

• ladin di cûr loc.adi.

Proverbis:

• lune di sabide lune ladine