Dizionari de Lenghe Furlane

slis  slis  [AF]

1. adi. che al à la superficie cence iregolaritâts o cence elements che a dan infûr:  la velete di sede blancje e slisse che i incurnisave tant ben la muse (Pieri Somede dai Marcs, La Madone dai siet dolôrs); cjatâ une slavare slisse, strete, taronde, al voleve dî sei scuasit sigûrs di fâi fâ cuissà cetancj salts prin che e rivàs di chê altre bande da la aghe (Lucio Perès, Tal Cuar)
   Sin. pulît , vualîf¹
   Var. lis²
   
   1. s.m. superficie cence iregolaritâts e sensazion che si à tal tocjâle:  ah, ce gust a sintî / sgliciâ sot i dêts il slis de crôs / il musulit dal floc…! (Zaneto Del Puppo, Un sium)
2. adi. dai cjavei, cence riçots o ondis:  e jere alte, e veve il cuel lunc e sutîl, il cjâf piçul, i cjavei slis (Carlo Sgorlon, Il dolfin)
   Sin. dret
3. adi., s.m. (fig.) cence dificoltâts, cence complicazions:  chest risultât cussì facil e slis al incjocà i patriots e, par un mês, invezit di pensâ che no podeve jessi finide e che il biel al veve di vignî, si bandonarin a une mate baldorie (Josef Marchet, Cuintristorie dal Friûl fin sot la Italie); e cirì di induvinâ ce che al jere nassût a Udin, ma co e capì, des musis legris, che dut al jere stât slis, si bonà (Maria Forte, La tiere di Lansing)
   Sin. dret , facil , pulît , sempliç
4. adi. di robe di bevi alcoliche, cence glace, aghe o selz
   Sin. rût¹ , rampit , sclet
5. adi., s.m. viôt bal slis
6. adi. [TS] zûcs ancje in funz. di av., di zuiade inte briscule o tal tressiet, fate butant jù une cjarte basse, di pôc valôr:  "Al moto?" "Cale un…" Il zûc al va indevant… "Sôl?" "In bande…" "Va slis!" A batin a fuart lis cjartis su la taule a un biel stros: il vin tes tacis al trime tarlupant (Dino Virgili, La aghe da pît la cleve)

Polirematichis e espressions idiomatichis

• passâle slisse loc.v.