Dizionari de Lenghe Furlane

rampit  /-à-/  ram|pit  [AF]

1. adi. (ancje fig.) che al è caraterizât di autenticitât e purece, che nol à altris elements o contaminazions:  une aghe che e cor rampide e cidine ta la ombrene (Dino Virgili, Un riul tra Venit e Friûl); une veretât rampide e cence incjant (Maria Forte, L'aventari pal barcon); al jere libar, rampit, cence fisimis o prejudizis di nissune fate (Carlo Sgorlon, Il dolfin)
   Sin. pûr² , sclet , rût¹ , arût , autentic , vêr , patoc , sôl
   Cfr. crût
   
   1. che nol à vistîts, cuviertiduris, furniments, complements e v.i.:  ancje il curtîl si jemplâ di un vert ben comedât, che al rivave a taponâ cualchi mûr a claps rampits (Maria Forte, Cjase di Dalban)
2. adi. pûr di un pont di viste morâl tradizionâl, che nol à vût rapuarts sessuâi:  dilunc la strade ducj e butavin aghe sante parcè che la nuvice e ves di jentrâ rampide te cjase gnove (Alan Brusini, Amîs come prime)
   Sin. pûr² , cast , vergjin
3. adi. tant che rinfuarcitîf, par dî che alc o cdn. al è propit intune cierte maniere:  al si cjatà issofat, / crot rampit, inte val di Gjosafat (Zaneto Del Puppo, Il judizi universâl); e jere restade bessole rampide in chest mont (Josef Marchet, Lis predicjis dal muini); la sere, che al è scûr rampit e a saran nûf, dîs oris […] (Ivano Urli, Storie di Min)
   Sin. autentic , biel e bon , crei , naturâl , patoc , perfet , piturât , rût¹ , sclet , spacât , spudât , vêr