piturât
pi|tu|rât
[FO]
-
p.pass., adi.
viôt piturâ
, viôt piturâsi
-
adi.
decorât cun figuris coloradis:
chês gleseutis sul fâ de nestre, a vevin di jessi dutis pituradis cui fats de storie sacre o de vite di Crist (Josef Marchet, Lis predicjis dal muini);
Anute e rivà cul bocâl piturât a rosis rossis e blu e e jemplà dôs tacis di blanc (Pieri Menis, Sul agâr)
-
rapresentâts cun colôrs:
sul mûr, de bande de cort, e je piturade une Madone che e somee di chês che a son tes anconis su lis beorcjis (Dino Virgili, Cjase Basse)
-
(estens.)
rapresentât cun figuris, ancje se no cu la tecniche de piture:
mi pareve di jessi devant di un tribunâl di chei de rivoluzion francese che si viodin piturâts sui libris (Pieri Somede dai Marcs, Gnot clare... gnot scure)
-
adi.
che al è stât tratât cun piture, vernîs o altris sostancis:
la ostarie e jere une grande stanzie cul sofit bas e i mûrs piturâts di vert (Carlo Sgorlon, Prime di sere);
la cusine cul solâr di breis pituradis cul pais e lustradis a cere, e veve un barcon che al dave su la stradute (Roberto Ongaro, Il muc);
la vetrine - gratade e piturade par ben - e à di vê almancul setante agns (Gianni Gregoricchio, Trê feminis)
Sin. colorât
, intenzût
, invernisât
, tenzût
, vernisât
-
adi.
che al è stât sometût a tinture:
il professôr di latin e talian si clamave F…, simpri ben vistût di scûr, cuntune barbute nere (o ai pôre che e fos ben piturade) (Pieri Somede dai Marcs, Un cuatri in italian);
i siei cjavei neris piturâts i levin jù a slas pes spalis (Carlo Sgorlon, Il dolfin)
Sin. colorât
, intent
, intenzût
, invernisât
, tenzût
, vernisât
-
adi.
(scherç.)
sbeletât, spec. in maniere pesante:
la sô femine ae casse, ferme come il vidul su la cruchie, la muse piturade, pronte sui bêçs cu lis mans plenis di anei (Alan Brusini, Par stradis lungjis);
e jere une vedrane in gringule ma stagjonade, dute piturade (Pieri Somede dai Marcs, A Aquilee)
Sin. pituraçât
, trucât
-
adi.
(fig.)
che al à un ciert colôr, une cierte forme, un ciert aspiet, come se al fos opare di un artist:
il cîl al jere piturât di nûi e di seren e il bosc, viers la mont, al jere a covis di colôrs secont la cualitât dai lens (Alan Brusini, Par stradis lungjis)
-
adi.
(fig.)
che al è rapresentât o considerât intune cierte maniere:
Onde Furlane piturade fin îr come une cove di estremiscj e je deventade un pulpit di furlanetât là che ancje i talianiscj si tegnin in bon di jessi invidâts a fevelâ e a discuti (Max Mauro, Un Friûl difarent: i 90 mhz di Onde Furlane)
Sin. descrit
, presentât
-
metût fûr, publicât cun scjas:
si viodeve za piturât suntun gjornâl de oposizion, cun tant di fotografie sot di un titul bocon par ca (Fabian Ros, Il lôf)
-
adi.
(fig.)
di sensazion, sintiment, emozion e v.i., che si viôt a clâr tal aspiet:
Catin e tornà indaûr doi dîs dopo, scunide di fam e cui fruts che a vevin piturât tai voi i spavents di chel viaç (Maria Forte, Dome la cjampanute di Sant Bortul)
-
adi.
(fig., scherç.)
une vore dongje:
al è un maledet, il torment de cjase, e po al è simpri piturât sun chê mostre di radio (Pieri Somede dai Marcs, Barbane)
Sin. tacât
-
adi.
(fig.)
de misure juste:
chel vistît i sta piturât (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. a pinel
, di pinel
-
di forme une vore biele, elegante:
e à une vitine piturade (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Polirematichis e espressions idiomatichis
