piturâsi
pi|tu|râ|si
[CO]
-
v.pron.tr., v.pron.intr.
piturâ alc di se stes, par se stes o cun reciprocitât:
si è scuviert ancje che i Neanderthal si pituravin il cuarp e si furnivin cun golainis di capis e cun plumis di uciel (Claudio Tuniz, Evoluzion umane: la sience e mostre i segrets des nestris origjins)
-
v.pron.tr., v.pron.intr.
(fam., scherç.)
metisi cosmetics:
e vierç la borsute, e tire fûr il rosset e la ciprie e il spielut e si piture un pôc (Pieri Somede dai Marcs, Butìnle in staiare)
Sin. cuinçâsi
, imbeletâsi
, pituraçâsi
, sbeletâsi
, trucâsi
, zinzirinâsi
-
v.pron.intr.
(fig.)
cjapâ un ciert colôr:
«Polente! Ce fâtu chi! Ti vevi dite che no tu podevis vignî! Cjastron!» La muse di Londar si piturà di un ros impiât (Raffaele Serafini, Contis sot spirt)
-
v.pron.intr.
(fig.)
di situazion, fat, prospetive e v.i., cjapâ une cualchi conotazion o sfumadure, dâ une cierte impression:
a man a man che si leve indevant però, il cuadri de situazion presentade si piturave di scûr (Redazion La Patrie dal Friûl, Il furlan le à grivie)
Sin. tenzisi
-
di cualsisei robe o fenomen, fâsi viodi:
"No si sa! E mancjarès dome chê!" dissal il gjornalist fasint bocje di ridi cuntun fâ soradin che si piturave sui lavris in forme interogative (Fabian Ros, Il lôf)
Sin. imparêsi
-
v.pron.tr.
concepî cu la imagjinazion:
e jere nome la forme che mi plaseve dâi a chel Altri mont, un mût di cjapâ figure de mê maniere di pensâlu, stant che ogni om, daûr di chel che al veve dit il Pelegrin, al podeve piturâsal come che al voleve (Carlo Sgorlon, Prime di sere)
Sin. figurâsi
, imagjinâsi