perfet
/-èt/
per|fet
[AF]
-
adi.
che nol à nissun difiet, nissune mancjance, par nissun aspiet:
ma al mont a nol è nuie di perfet: / in dut l'è il so difiet (Pieri Çorut, Il nâs di paste);
te serenitât perfete e dolce di un Paradîs imprometût (Adrian Cescje, Viaç aes origjins dal Logos)
Var. parfet
Cfr. ecelent
, otim
, magnific
, speciâl
, straordenari
, ecezionâl
-
adi.
che nol à nissun difiet sot di un ciert pont di viste, che al va benon par une cierte funzion:
chestis galetis a son buinis di stuzigâ ancje bessolis, perfetis par compagnâ cun formadi o par fâ tartinis (Sandri Carrozzo, Scottish Oatcakes)
Sin. ideâl
, just
-
adi.
che al à dutis lis cualitâts, ducj i elements carateristics che a corispuindin a un model ideâl, ancje negatîf:
un dai aspiets dal caratar di Milillo Rocco e jere la persistence, sûr zimule de fedeltât; e chestis dôs virtûts, miscliçadis adun, a vevin fat di lui un perfet carbinîr (Gianni Gregoricchio, Delchi)
Sin. plen
, complet
, spacât
, patoc
, rût1
, piturât
-
adi., s.m.
gram.
aspiet dal verp che al segnale un stât di compiment di une azion tal passât, massime cun riferiment aes lenghis indoeuropeanis antighis
Proverbis:
- cui che al cjante in taule e in jet al è un mat perfet
- nome che diu al è perfet