Dizionari de Lenghe Furlane

speciâl  spe|ci|âl  [FO]

1. adi. diferent dal solit, dal normâl, o di un tiermin di paragon considerât normâl, o diferent di chei altris:  e jere la vilie di Nadâl, gjo. In chê sere nissun traeve, ni nô ni i mucs là di là. Rangjo speciâl e sgnape ducj (Riedo Pup, L'armistizi dal '16); chê di Triest e je une situazion speciâl, che no à nissun cefâ cu la nestre (Josef Marchet, Sot di nissun)
   Sin. insolit , strani , straordenari
   
   1. che al à cualitâts o carateristichis diferentis o modificadis, in mût di rispuindi miôr a une cierte dibisugne:  dute la struture e je in ciment armât. E chest al è un aspiet interessant: si trate di un ciment speciâl, un dai plui fuarts e rigjits (Oscar Puntel, Mario Collavino: une bandiere furlane parsore il gnûf World Trade Center di New York)
2. adi. dedicât o destinât propit a cdn., a alc, a une funzion e v.i.:  "Eh, ma pe Madone - i veve dit Anute - la nestre int e à une devozion speciâl…" (Pieri Menis, Sul agâr); la cerimonie di premiazion si davuelzarà inte suaze di une serade speciâl che si tignarà tal mês di Dicembar (Fabian Ros, Concors par tescj cinematografics in lenghe furlane)
   Sin. specific , particolâr
3. adi. inte sfere juridiche o istituzionâl, che al è previodût par câs particolârs:  la justizie e jere aministrade dai militârs, lis leçs sostituidis dai bants […] e cui che al leve cuintri di cheste legjislazion militâr si cjatave denant dai tribunâi speciâi (Carli Pup, La seconde Irlande); [par vie dal taramot] in Friûl si vevin di rimandâ ciertis lotis politichis che a son lis elezions. E che no stedin a dîlu che no lu puedin. Une leç speciâl a podevin fâle (Francesc Placerean, Si savarìn a dî fra dîs agns!)
   Sin. straordenari
4. adi. une vore bon, di cualitât une vore buine:  la cene in chê sere e fo particolarmentri buine: cjamoç cu la polente, lidric cul poc cuinçât cul ardiel, formadi di malghe e un refosc speciâl (Roberto Ongaro, Cretevierte); lis patatis bulidis, cuinçadis cjaldis cul vueli, sâl e asêt, a cjapin sù un savôr speciâl cu lis fueis frescjis o cui cjâfs di chest ai salvadi (Giorgio Pascoli, Il Litum: jerbis salvadiis te cusine)
   Sin. famôs , maraveôs , otim , particolâr , râr , straordenari
5. adi. ben fuart o ben definît:  o domandarìn un impegn speciâl par otignî di Rome il ricognossiment che nus covente e che o vin il dirit di vê (Mario Zili, In viaç tal teatri furlan)
   Sin. fuart¹ , grant , particolâr , singolâr
6. adi., s.m. numar di periodic dedicât dut a di un argoment:  in ocasion de "Fraie de Vierte", la Filologjiche Furlane e da fûr un numar speciâl de riviste "Sot la Nape" dedicât ai paîs di Sedean, Flaiban e Merêt di Tombe (Gotart Mitri, Storiis e int di Sedean, Flaiban e Merêt)
   
   1. program radiofonic o televisîf no ordenari, par un event particolâr di grant interès o dedicât a dut a un ciert fat o personaç:  la conference stampe e sarà regjistrade di Radio Onde Furlane e e vignarà trasmetude cuntun speciâl di pueste (Comitât 482, Conference stampe dal Comitât 482)
7. adi., s.f. [CO, TS] sport viôt prove speciâl
8. adi., s.m. [CO, TS] sport viôt slalom speciâl