strani
stra|ni
[FO]
-
adi.
che nol è solit, normâl, usuâl, che al lasse maraveâts:
un sintîsi cence pês come in cualchi sium avonde strani, che al pâr di vê lis alis (Maria Forte, Cjase di Dalban);
"Ah…" al disè il zingar e al clamà un non strani "Cerisca?" (Dino Virgili, La aghe da pît la cleve)
Sin. curiôs
, fûr dal ordenari
, fûr dal solit
, fûr dal vade
, origjinâl
, particolâr
, singolâr
, strambalât
, stramp
, stravagant
-
che no si spietisi o che nol è cemût che si spietisi:
"Al è ben strani l'efiet che a mi fâs tornâ a viodi i miei lûcs daspò tant timp!" (Franca Mainardis, Il sium di Lissandri);
juste disint dal Picolit, al è strani che Casanova nol feveli mai di chest vin che al jere une vore famôs e preseât par dute la Europe tal Sietcent (Pierluigi Visintin, Friûl e furlans te Histoire de ma vie di Giacomo Casanova)
-
che no si rive a definî ben:
o vevi une sbisie stranie, une voie di scombati, di lâ vie (Enrico Martina, Ricuarts e inlusions)
-
adi., s.m.
che, cui che nol è in rapuart di parintât o di amistât o di buine cognossince:
"No vuei viodi babis ca dentri, no vuei viodi feminis, âstu capît? [...]" "Ise un strani? [...] No cognossistu cui che e je?" (Costantino Smaniotto, Maridâsi...!?);
al jere «sanc dal nestri sanc» che nol podeve passâ in mans straniis (Pieri Menis, Chei di Muraie);
se mê mari e ves vût plui pazience e varès ereditât jê, dopo, la lôr robe e no sarès lade a int stranie, che e puartà dentri un altri non (Maria Forte, I arcs)
Sin. forest
Var. estrani
-
che, cui che al è di un altri paîs, di un altri popul, che al à altris costums e v.i.:
se po pal mont si va nome par cualchi stagjon, par divertiment, alore al è ancjemò plui biel. Si viôt robis gnovis, si cognòs int stranie, si scuvierç e si amire culturis e bilisiis gnovis (Riedo Pup, Il mont al è biel)
-
s.m.
ce che al è fûr dal ordenari, che al da di maravee:
il strani al è che nissun gjornàl, di front al "contenimento della spesa" de sanitât al à cuntindût! (Tarcisio Venuti, Robis cul cotul - Il Strolic furlan pal 1991)
Sin. stramp
Polirematichis e espressions idiomatichis