Dizionari de Lenghe Furlane

origjinâl  o|ri|gji|nâl  [AF]

1. adi. che al è chel de origjin, che nol è stât modificât, che al è la prime realizazion di alc e v.i.:  il sens origjinâl de peraule "mafie" par furlan al jere chel di jessi contents e sodisfats di se stes (Sandri Carrozzo, Piçulis storiis di mafie furlane)
   Sin. natîf , naturâl , origjinari , primarûl
2. adi. che nol è copie, riproduzion, traduzion, imitazion:  [te mostre] tu podarâs viodi i dissens origjinâi gjavâts dal libri "Salvans!" (Sandri Di Suald, Salvans, aes lidrîs di un mît)
   
   1. s.m. esemplâr autentic, opare autentiche:  no ai podût fâ il confront diret jenfri dai doi origjinâi (chel di Cracovie e chel de redazion A) (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
   2. che al è une copie uficiâl e autorizade:  Laura e je la morose di Zuan, l'amì che mi à prestât la cassete origjinâl di "Head Over Heels" (Checo Tam, Cocteau Twins su Netun (ma no il planet))
3. adi. nassût intun ciert puest e tipic di un ciert puest:  [il frico] tes sôs diviersis formis e je une elaborazion origjinâl furlane, tal sens che no je impuartade (Sandri Carrozzo, Frico un plat furlan cuntun non di origjin foreste)
   Sin. rût¹ , sclet
4. adi. che al à caratars di diference e di individualitât:  [chê di Aquilee] no je une diocesute plui o mancul grande, plui o mancul vecje, plantade tal cors dal secui, ma e je une des Glesiis plui origjinâls di dut l'Ocident cristian (Francesc Placerean, La glesie di Aquilee e je stade une mari che nus à fats nassi e cressi come popul)
   Sin. crei , gnûf , particolâr , personâl , resint
   
   1. cussì diferent di jessi stramp:  [lis americanadis] a son chês impresis o aventuris o iniziativis fra il stramp, l'origjinâl e l'inzegnôs che in Americhe a usin a fâ di un continui sun dut e par dut (Riedo Pup, Siôr Celso e mister Donald)
   2. che al mostre inteligjence vive, buine ancje di cjatâ soluzions diviersis dal solit:  e jere une rispueste fine, une cjatade origjinâl… di cjâf! (Dino Virgili, La aghe da pît la cleve)
5. adi., s.m. che, cui che al è creatîf o anticonformist o stramp:  Diogjene, chel grant origjinâl, / chel che al stave di cjase intun vassiel / e al lave a cirî il savi cul ferâl (Pieri Çorut, Il purcit); cui isal chel origjinâl che al à vût chê idee cussì strambe? (Guido Antonioli, Florean dal Palaç, I, 1)
   Sin. anticonformist , balçan , baroc , capriçôs , fûr dal vade , magle , maturli , murlac , strambalât , strambere , stramp , strani , stravagant