Dizionari de Lenghe Furlane

naturâl  na|tu|râl  [FO]

1. adi. de nature, dal complès di fatôrs no artificiâi che a regolin la esistence e l'ambient:  une varietât grande di ambients naturâi e antropics (Luigina Di Giusto, Andrea Guaran, Mauro Pascolini, La culine furlane)
   
   1. di interès naturalistic:  il Parc Naturâl Regjonâl des Dolomitis Furlanis al è stât istituît a nivel formâl dal 1996 (Luciano Gaudenzio, Michele Zanetti, Dolomitis Furlanis. Lis vôs dal Cidin)
2. adi. che al ven de nature:  sistemis insediatîfs diferents e modei organizatîfs economics une vore leâts ae presince des risorsis naturâls (Mauro Pascolini, Andrea Guaran, La mont furlane)
   
   1. che al è fat cun materiâi che a vegnin de nature, no artificiâi:  a tenzevin la lane doprant la purpure, il colôr naturâl otignût dal murex (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
3. adi. no alterât:  colôr di cjavei naturâl
   Sin. fresc¹ , istintîf , spontani , vêr
   
   1. de aghe, cence gas zontât:  une butilie di aghe naturâl
4. adi. che al ven dret dal caratar, dal mût di jessi, de interioritât, cence sfuarçaduris e cence mediazions o finzions:  e tirave jù colps di pinel o di spatule come che i vignive naturâl (Carlo Sgorlon, Ombris tal infinît)
   Sin. sclet , spontani , istintîf , fresc¹
5. adi. che al è o che al sucêt par nature, che al va daûr des leçs di nature:  la libertât e la ligrie naturâl dai zovins (Alan Brusini, Par stradis lungjis)
6. adi. che al è puartât par nature a fâ alc o a vê une cierte funzion o posizion:  a son la linç, il lôf e l'ors […] atirâts de bondance relative dai ungulâts, la lôr prede naturâl (Mauro Pascolini, Andrea Guaran, La mont furlane)
   Sin. di nature
7. adi. che si pues previodi par vie che al è cemût che al sucêt simpri o par vie che nol va cuintri di nissune logjiche:  al è naturâl che in trê secui di guvier dai patriarcjis todescs, la nestre «Patrie dal Friûl» - juste in chê volte e scomençà a clamâsi cussì - e vebi cjapât il stamp di un principât gjermanic (Josef Marchet, Cuintristorie dal Friûl fin sot la Italie)
   Sin. logjic , ovi , clâr , sigûr
   
   1. ancje tant che rispueste afermative:  "Tu vegnis ancje tu, no ise vere?" e domandà a Fatime. "Naturâl. Se tu tu sês contente." (Carlo Sgorlon, Ombris tal infinît)
   2. av. in maniere che e va daûr des dinamichis de nature, de logjiche, che ducj a capissin, ancje cun valôr pal plui enfatic:  Sant Antoni abât, che a Biliris si clamilu plui vulintîr Sant Antoni des bestiis, o ancje (naturâl, cence ofese) Sant Antoni dai purcits (Meni Ucel, I colaçs)
      Sin. naturalmentri , clâr , si sa , si sa po
8. adi. [TS] mus. di sun o di note, cence alterazions:  sol naturâl
9. adi. [TS] mat. di numar, intîr, cence decimâi
10. s.m. complès des carateristichis di fonde dal mût di jessi di une persone che a dan il so compuartament:  cuant che i spirts i bulivin mâl e deventave un rati e, vadì, e jere jê la prime vitime di chel so naturâl tant pestifar (Maria Forte, Mabile la Lunghine); cun lui e stave la Miliute […] cul so cjalâ net e cun chê graciute che i vignive dal so naturâl (Maria Forte, La tiere di Lansing)
    Sin. estri , fonde , jessi¹ , nature , grene , tempare , umôr , caratar , temperament
11. s.m. carateristiche di ce che si cjate in nature, di ce che al è vêr, no di fantasie:  un libri plen di fueis, rosis e lidrîs dissegnadis dal naturâl (Maria Forte, Il Bide di Miot)

Polirematichis e espressions idiomatichis

• pari naturâl loc.s.m.