nature
/-ù-/
na|tu|re
[FO]
-
s.f.
complès dai organisims vîfs, des fuarcis, dai ogjets e elements che a fasin part dal univiers, cu la proprietât di jessi reâi e di no jessi inventâts o produsûts dal om:
mi tornin a ments lis sôs peraulis: "La nature mi fevele cul lengaç de sô bielece e jo, traviers lis sôs robis, o rivi ae inteligjence de divine perfezion" (Alan Brusini, Amîs come prime);
Charles Darwin al à mostrât che un dai principis dal disvilup de vite inte nature al è propit chel di formâ gnovis speciis di nemâi (Franc Fari, Il cjâf dai furlans)
-
ambient fisic cun nissun o pôcs mudaments causionâts dal om:
un zovin sclet, otimist, fuart, inamorât de nature e striât de montagne (Cristina Noacco, Faliscjis);
o voi pes monts, tal bosc, a cjaminâ, a scjalâ, a schiâ. O ai bisugne de nature (Valentina Pagani, Mauro Corona: L'om des "manère" e de bandane)
-
ambient bucolic:
il piorâr, metût in bande il sivilot, al stave a sintîlis: tra lis bestiis e la nature al si strenzeve come un pat di amôr (Pieri Somede dai Marcs, Clâr e scûr)
-
ancje cun iniz. maiusc., personificazion de energjie che e cree e e disfe:
la rason e sta dute te Nature; / e, cuant che in bal e jentre cheste siore, / ne voaltris, ne jo, cheste è sigure, / podìn a lis sôs leçs passâi parsore (Emilio Nardini, Lenghe e dialet);
la viamence e la crudeltât de nature le spaventavin (Carlo Sgorlon, Il dolfin)
Cfr. mari Nature
-
s.f.
il complès des carateristichis tipichis di alc, sedi materiâl che imateriâl, o di cdn. o ancje di un coletîf o di une categorie, che no son derivadis di procès artificiâi o di aprendiment:
dutis lis robis che o ai nomenât a son ce che a son e a vivin seont la lôr nature, cence scomponisi e cence rivielâsi al lôr destin (Fabian Ros, Il lôf);
il fosfar […] par sô nature al prodûs une flamade (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.f.
setôr, nivel o cualitât di alc che al ven considerât:
no mancje, sul principi di ogni sezion dal manuâl pai insegnants, cualchi indicazion di nature didatiche (Luigina Di Giusto, Andrea Guaran, Mauro Pascolini, La culine furlane);
fintremai al timp dal patriarcje Popon no si po dî cun sigurece di ce nature e cun ce estension che e fos cheste jurisdizion [dai patriarcjis di Aquilee] (Josef Marchet, Cuintristorie dal Friûl fin sot la Italie)
Sin. caratar
, fate
, gjenar
, nivel
, sorte
, stamp
, tai
-
s.f.
complès des carateristichis di fonde dal mût di jessi di une persone che a dan il so compuartament:
chê femine nissun le cognosseve e li si palesave di nature fuarte e combative (Alan Brusini, Come tai romançs);
si capìs che dafonts da la anime tu âs di vê une naturate, un brut temperament (Josef Marchet, Lis predicjis dal muini)
Sin. estri
, fonde
, jessi1
, naturâl
, grene
, tempare
, umôr
, caratar
, temperament
-
s.f.
(eufem.)
i orghins gjenitâi:
al jere li, in mieç dal stanzion, cu lis mans su la nature come che al ven di istint di fâ a ducj i oms, un pôc par pudôr, un pôc par difese di chê part cussì delicade (Roberto Ongaro, Il muc);
Vigji al tacà a spalpignâ la bestie, poiant ca e là, su la piel, la sô orele atente po i cjalà ben la nature (Maria Forte, La tiere di Lansing)
Proverbis:
- cui che nol sa lei la sô scriture al è un mus par nature
- difiet di nature si puarte in sepulture
- dulà che no je nature, inzen al procure
- la abitudin e je une seconde nature
- la educazion e je une seconde nature
- lari di nature fin a la muart al dure
- vizi di nature si puarte in sepulture
