grene
/grè-/
gre|ne
[CO]
-
s.f.
creste di pêi luncs che a cressin insom dal cuel dal cjaval e di altris ecuins:
si viôt il gjenerôs cjaval di biela / grena, di pet spaziôs, di cjâf altîr (Anonim, Fingal);
une piruche ben slissade e chê altre e jere inriçotade e mieze grise come la grene di un cjaval (Pieri Somede dai Marcs, Sant Simon: 28 di Otubar 1917)
Sin. criniere
-
singul pêl di chê creste:
piluts cjatâts tes spinis dai baraçs, / piardûts dai agneluts cul lâ a passon; / grenis di mûi, che ur colin stant tacâts / tal vuarzenon (Pieri Mation, Il nît)
-
complès di pêi luncs che a cressin tor dal cjâf dai leons o di altris bestiis:
lu vedè cussì ardît un sôl leon, / rote la grene, e insanganât il cjâf (Ermes di Colorêt, I, 196);
[il leon] cjassa dal cuel la grena (Zuan Josef Busiç, La Eneide di Virgjili)
-
s.f.
(fig., iron.)
cjavelade o pêi di une persone:
dai une strighiade ogni tant a di chê grene! (Josef Marchet, Lis predicjis dal muini);
un cjavelon. Porco boie. Un cjavelon: al ven a jessi un imprest cu la grene lungje, ossigjenade e metude in plee (Lelo Cjanton, Il Strolic furlan 1968)
-
s.f.
fibre che si oten de criniere e de code dai cjavai o di altris ecuins:
cu le mace di len si rompin li semencis e si passin par un tamês di grene pluitost râr (Giuseppe Ferdinando del Torre, Il contadinel. Lunari par l'an 1858);
un vecjo materàs di grene (Checo Tam, Sense);
si remenave sul paion, messedant il cussin di grene (Gianni Gregoricchio, Îr e doman)
-
s.f.
(ancje fig.)
fibre, struture in forme di fîl:
i gjaponês a doprin la grene rigjavade des sôs ramis par fâ une cjarte une vore preseade (Sandri Secco dai Juris, Une rose par ogni stagjon - I balarins sul stec);
mondait ben i manis tenars di lavaç dai cais, disvruiantju e gjavant lis grenis (Giorgio Pascoli, Il litum. Jerbis salvadiis te cusine);
i nûi a grenis tal cîl plen di aiar (Alan Brusini, Come tai romançs)
-
s.f.
complès des carateristichis struturâls di alc:
[il len di bovolâr] l'à une fibre o grene pleievul e tenaç (Giuseppe Ferdinando del Torre, Il contadinel. Lunari par l'an 1860)
Cfr. grane
-
cualitât che e derive de composizion struturâl:
cualchi ratai di tiare di cjative grene (Giuseppe Ferdinando del Torre, Il contadinel. Lunari par l'an 1865)
-
(fig.)
complès dai elements che a formin il fisic e il caratar di cdn.:
une int di grene dure (Maria Forte, I arcs)
-
s.f.
persone di caratar fuart e ustinât:
dopo, fats i conts, Miute, une grene di femine che e saveve ad a ments lis sôs robis, e rivà adore di tirâju de sô (Maria Forte, I ôcs di Miute)
Sin. vues