Dizionari de Lenghe Furlane

temperament  /-ènt/  tem|pe|ra|ment  [AF]

1. s.m. [TS] st.med. te medisine ipocratiche, messedance dai cuatri umôrs che e determine il caratar afetîf di une persone
   Var. tamparament
2. s.m. [TS] psic. complès psicofisic di une persone daûr des carateristichis emotivis e fisiologjichis:  la meditazion di cussience e miore il temperament des personis (Franc Fari, Neurosiencis de meditazion)
3. s.m. complès des carateristichis di cdn. che a dan il so compuartament:  dôs personalitâts ben definidis, ma diviersis par caratar, temperament, resonament e ideis (Tarcisio Venuti, La cjase di Toni); le assistè come che e fos stade sô mari; e sopuartà simpri cun pazience chel temperament bilôs e fastidiôs che al cresseve cul cressi dal mâl (Pieri Somede dai Marcs, A jerin lagrimis); la lenghe e je la indicazion dal temperament, des inclinazions, des risorsis, des fuarcis e des debilecis, dai orientaments, des pussibilitâts di assorbiment e di resistence di un popul (Josef Marchet, Un element fondamentâl dal moviment autonomistic)
   Sin. estri , fonde , jessi¹ , nature , pendence , stîl¹ , umôr , naturâl , caratar
4. s.m. personalitât fuarte, in câs ancje dificile di tratâ:  Son passâts benzà sîs agns e mieç di chê zornade e guai, guai a fevelâi: mostro di mondat e ce temperament..." (Pieri Somede dai Marcs, Gnot di Nadâl)
   Sin. personalitât , sgrimie , snait , caratar , gnerf , medole
   
   1. di artist, potence interpretative o creativitât:  il pitôr Celiberti si è fat a colp notâ, cuntun temperament di rare viemence (Bepi Agostinis, Storie de art in Friûl)
      Sin. talent