pendence
/-èn-/
pen|den|ce
[CO]
-
s.f.
proprietât, posizion o direzion di ce che nol è orizontâl, che si pues misurâ in grâts:
cjapâ sù notiziis tai uficis tecnics dai comuns: trop che al plûf tal zîr di un an, la pendence dai riui, la puartade dal lavio des aghis, la cualitât dal cret de montagne (Alan Brusini, Gian Paolo Linda, I forescj);
[i vues] si salavin su la salarine. La salarine si meteve in pendence [...] di maniere di lassâ gotâ l'agadiç (Sergio De Cecco, I vues dal purcit)
Sin. inclinazion
, pendite
-
s.f.
(fig.)
atitudin psicologjiche, tindince a vê une cierte maniere di jessi, di pensâ o di fâ:
un grant furmiâr confusionât cun pendence a psicopatologjie coletive (Tonin Cjapielâr, Brutis realtâts)
Sin. inclinazion
, pendite
-
s.f.
cuistion economiche, legâl o ancje personâl ancjemò vierte:
"Ah sêstu ca? Mi vevi scuasi dismenteât di te; jai dit prima che ancja fra nualtris doi l'è una pendença di justâ" (Luîs Merlo, Tra parincj);
su la risoluzion des pendencis cun Bepo Malin si risiarvave jê di decidi, in mût di no dâ imbredeis ae ativitât ni al passaç de dite (Eugjeni Marcuç, Liende a Sant Zuan)