inclinazion
/-òn/
in|cli|na|zi|on
[CO]
-
s.f.
variazion di posizion o di direzion che e fâs che une linie, un plan e v.i. no sedin dal dut orizontâi o verticâi:
une vuarzine fate di tocs numerâts e interscambiabii, e cuntune bût adiriture regolabile in altece, in lungjece e in inclinazion (Riedo Pup, Nonos e nonis a nauli);
il cjalt o il frêt a dipendin da lis stagjons che a son leadis dome a la inclinazion dal as de Tiere e no ae sô distance dal Soreli (Bepi Zefon, Il Sisteme Solâr e lis sôs leçs)
Sin. pendence
, pendite
-
s.f.
facilitât, soredut naturâl, tal fâ ben une cierte ativitât:
la sô inclinazion leterarie a fasè compagn des aghis dai magrêts che, nassudis des montagnis de Cjargne e rivadis al plan, di colp a scomparissin sot tiere par tornâ fûr tes risultivis (Carlo Sgorlon, Presentazion di Il sît di Diu)
Sin. propension
, predisposizion
Cfr. talent
-
tindince, soredut naturâl, a jessi intune maniere e no intune altre, a compuartâsi intune maniere e no intune altre, a vê miôr alc rispiet a alc altri:
no voi a cuestionâ. / Sarà chel che sarà: / ben sì vuei dîus lis mês inclinazions, / i difiets, lis virtûts e lis passions (Pieri Çorut, La mê biografie)
Sin. propension
, predilezion
, preference