logjic
/lò-/
lo|gjic
[AF]
-
adi.
che al à a ce fâ cu la logjiche, cu la dissipline filosofiche resonade o cu la logjiche matemantiche:
il sisteme des imagines agentes in Camillo, l'ordin logjic in Citolini a garantivin la pussibilitât di cjatâ lis peraulis o i argoments par mieç di indicazions ostensivis (Mario Turello, Il brevet);
un stîl une vore formalizât, fat di secuencis logjichis di definizions, proposizions, lemis e teoremis (Sergio Cecotti, La analisi matematiche seont i furlans)
-
adi.
che al va daûr di une maniere ordenade di resonâ:
la storie e mancjave di continuitât logjiche e la trame e veve plui busis che tacons (Fabian Ros, L'om che al pierdeve pinsîrs pe strade)
Sin. consecuenziâl
, razionâl
-
adi.
inevitabil par vie des premessis, che nol à alternativis e che nol pues jessi contindût:
ducj a pensavin che al fos logjic chest esit de Comission e nissun i fasè oposizion (Adrian Cescje, Memoriis di politiche linguistiche)
Sin. clâr
, normâl
, naturâl
, ovi
-
s.m.
studiôs e cultôr de logjiche, de dissipline filosofiche resonade o de logjiche matematiche:
i filosofs e i logjics a crodevin che la lenghe e fos un imprest par dî veretâts (Franc Fari, Il cjâf dai furlans)