singolâr
sin|go|lâr
[AF]
-
adi.
dal singul, de unitât, che si riferìs al singul, che al è costituît di une sole unitât e v.i.:
l'univiers ridusût a un pont al è singolâr e nol à sens aplicâ lis leçs fisichis cognossudis par studiâ la fisiche di chel pont (Sergio Cecotti, Teologjie algjebriche);
il Logos elenic si invie a esplorâ chê de intimitât singolâr dal individui, in posizion diferenziade e dialetiche cui events de storie cosmiche e de storie umane (Adrian Cescje, Viaç aes origjins dal Logos)
-
adi., s.m.
diferent di chei altris, unic tal so gjenar:
tra i zovins al tache a cressi l'interès par cheste radio singolâr (Max Mauro, Un Friûl difarent: i 90 mhz di Onde Furlane)
Sin. particolâr
, speciâl
, unic
, râr
, ecezionâl
, straordenari
Var. singulâr
-
che al è diferent di chei altris par alc di stramp:
al jere un tipo veramentri singolâr. Al crodeve di jessi un dandy, o miôr, come che al diseve lui, un raffiné (Checo Tam, Don Franziskus e Iskander)
Sin. particolâr
, origjinâl
, strani
, stramp
, curiôs
, stravagant
-
s.m.
gram.
aspiet de categorie gramaticâl dal numar che al significhe une cuantitât costituide di un sôl individui, di une sole unitât:
cence di une cierte part di DNA - che e sta sul cromosome numar siet - no si rive a imparâ in maniere automatiche il plurâl, il singolâr o a meti i verps tal timp just (Franc Fari, Il cjâf dai furlans)
-
che si riferìs a une sole unitât o che al pant une sole unitât:
a la peraule singolâr si zonte -s par fâ il plurâl (Adrian Cescje, Memoriis di politiche linguistiche)