straordenari
/-nà-/
stra|or|de|na|ri
[FO]
-
adi.
fûr dal ordenari, che nol è normâl, comun, usuâl e v.i.:
Eliseo al jere simpri di bessôl di tant di chel timp che jessi li a gustâ cun lôr i pareve straordenari (Carlo Sgorlon, Prime di sere);
il tinel, stanzie pardavêr straordenarie, considerant che li e jere ingrumade mobilie di ogni sorte e di ogni ete (Franca Mainardis, Il sium di Lissandri)
Sin. ecezionâl
, fûr dal ordenari
, insolit
, strani
, fûr dal solit
, origjinâl
, particolâr
Var. strasordenari
, straordinari
-
adi.
che al è speciâl par une cierte ocasion, che nol è previodût di un program normâl:
dopomisdì, tor cuatri, prin dai zûcs e des cjochis, e sarà culì, par dute la parochie, une funzion straordenarie di preâ pal Pape (Josef Marchet, Lis predicjis dal muini);
e van dal capostazion dal tram par viodi di une corse straordenarie a miezegnot (Alan Brusini, Amîs come prime)
Sin. ecezionâl
-
s.m.
[TS]
fer.
tren che nol è previodût tal orari normâl:
al pareve che tal ultin vagon di un «straordenari» passât sence fâ sunsûr, al fos lât vie mo il martueri e il cruzi… (Dino Virgili, La aghe da pît la cleve)
-
adi.
une vore biel, bon, brâf, impuartant, bondant e v.i.:
chestis figurazions straordenariis e misteriosis a àn simpri lassât in cui che lis cjale une maravee plene di rispiet (Giovanni Battauz, Flavio Cossar, Renato Iacumin, I mosaics de basiliche di Aquilee);
il teritori al ven consegnât al marchês Everart (867), che al fasarà dal contest furlan un centri straordenari di culture (Angelo Floramo, Ri-cognossi la autonomie);
[il film Buris, libars di scugnî vignî] al à ancje un sucès di public straordenari (Fabian Ros, Il cine furlan)
Sin. di no crodi
, ecezionâl
, famôs
, fûr dal ordenâri
, speciâl
, maraveôs
-
(iperb., iron.)
une vore negatîf:
e strambolote par talian: un talian straordenari, grêf, pesant, imberdeât, sgramaticât (Josef Marchet, Autonomie dal spirt)
-
s.m.
dome sing., ce che nol jentre inte normalitât:
denant di cheste aparizion che e veve dal straordenari, al restà par un moment di clap (Fabian Ros, Il lôf)
-
s.m., adi.
ancje tal pl., prestazion lavorative fûr dal orari normâl:
cui che nol vûl fâ i straordenaris al ven menaçât di licenziament (Francesco Micelli, La emigrazion dal Friûl - Vignesie Julie te Belgjiche);
se un guvier […] al controlàs lis diariis, lis trasfiertis, il lavôr ordenari e straordenari, il consum dal materiâl […] dute la penisule e sarès sotsore (Josef Marchet, Il cancar)
-
bêçs dâts par chel lavôr:
al somee che su la paie si otignaran auments, ma nô o scombatìn pe indenitât dal riscjo, pal straordenari (Pieri Somede dai Marcs, Un pugn di moscjis)