ideâl  i|de|âl  [AF]

  1. adi., s.m. che al dipent o al è concepît dal pinsîr, o che al parten al mont des ideisa costituirin lis lôr teoriis di resonament, che inte lôr proiezion ideâl a vevin di sei consistentis, completis (Adrian Cescje, Viaç aes origjins dal Logos); [il Teatri de memorie] al jere la realizazion concrete di un di chei ambients ideâi che la mnemotecniche classiche ur racomandave ai oratôrs (Mario Turello, Il brevet)
    Sin. astrat, imagjinari, teoric
  2. adi. che si fonde suntune concezion filosofiche, politiche, culturâl e v.i. o che al cîr di metile in voreun passût, e un massepassût ancjemò mancul, nol movarà un dêt par une bataie ideâl e spirtuâl (Antoni Beline, Une libertât vuadagnade)
  3. adi. (ancje iperb.) che i rispuint a un model teoric di perfezion assolude o ancje che al corispuint in maniere perfete a dibisugnis concretisVile Manin di Passarian al è il puest ideâl par une Academie di Bielis arts (Luche Nazzi, Une academie pe Patrie)
    Sin. just, perfet
  4. s.m. concet astrat produsût dal pinsîrpar me par esempli Diu al è un pinsîr, un ideâl perfet che a mi ven dal pensâ su lis cjossis imperfetis che a stan dentri e intor di me (Pieri Piçul, Vieri e gnûf)
    Sin. idee, concet, pinsîr, concezion
  5. s.m. model perfetun spieli di poesie cuilibrade e serie, espression dal ideâl classicistic di "gravitas, ars, decus" (Ana Piorar, La Mitteleurope di Pellis)
  6. s.m. dome sing., la robe miôr, la soluzion plui oportune o plui desiderabilepar un guviar al sarès chest l'ideâl: un sôl cjâf, un sôl pinsîr, un sôl comant, une sole leç buine par ducj, une sole ubidience, une sole esigjence, une sole dibisugne, une sole malatie e une sole medisine (Josef Marchet, Personis e pipins)
    Sin. massim, miôr, optimum, robe miôr
    1. obietîf plui desiderâtve Comelians, i siei zovins / cul cûr a forma di balon, / che tant che ideâl somp a vita a àn / una machina di seconda man (Giorgio Ferigo, Ve Comelians, piçul borc)
  7. s.m. complès di i valôrs e lis ideis che a ispirin une persone o che a sostegnin un moviment culturâl, politic, sociâl e v.i.i partîts politics talians, come che a son implantâts vuê, no puedin condividi chest ideâl [autonomist] (Josef Marchet, A chei che no àn ancjemò capît); "No si dismet une raze di int che e à une tradizion daûr di se e un ideâl devantsi!" (Dino Virgili, La aghe da pît la cleve)
    Sin. brame, cause, insium, sium1, valôr
    1. aspirazion nobile di fonde etiche o politicheil troi dal progrès, in pôc timp, al deventarà un stradon che ducj a podaran cjaminâ sigûrs, viers ideâi plui alts e viers sistemis di vite plui democratics (Tarcisio Venuti, La cjase di Toni)
      Sin. cause, valôr