Dizionari de Lenghe Furlane

insium  /-ùm/  in|sium  [FO]

1. s.m. ogni complès di visions, sensazions e v.i. che si à intant che si duar:  ai fat, Nusse, ste gnot un biel insium (Ercole Carletti, L'insium); si inacuarzè che al jere stât dut un insium, stramp ce che si vûl ma dut câs nome che un insium (Sandri Di Suald, Conte di peraulis muartis); rivâ a un pas dal scuvierzi ce che i faseve cussì tante pôre tal insium ma po dopo sveâsi e no visâsi plui di nuie (Checo Tam, Vencul)
   Sin. sium¹
   Var. insiump , insum , insun
2. s.m. neurol. ativitât psichiche spontanie dal durmî, cun partecipazion emotive, facoltât percetive e sensoriâl:  cuant che si fâs un insium, la ativitât eletriche dal cuarp calôs e je nule, ven a stâi che tai insiums i doi cerviei no si "fevelin". (Franc Fari, Il cjâf dai furlans)
3. s.m. (fig.) fantasie o sperance in contrast cu la realtât:  'sorna tu, rusignûl svuarbât, e cjanta i to insuns che son plens di sgrisui e bramis (Ugo Pellis, Al rusignûl svuarbât)
   Sin. sium¹
   
   1. realtât cussì biele o cussì brute che no somee nancje vere:  viodêt, viodêt la nestre prole / muarte par ducj i cjamps! Di chest orent insium / liberaitnus e fait che nus svei il barlum / da la albe! (Ercole Carletti, La gnot di Nadâl)
4. s.m. ogjet di un grant desideri, ancje coletîf o sociâl:  l'insium di stampâ il libri al è stât realizât in gracie dai contribûts publics e privâts di tancj di lôr (Dario Chialchia, Diari di un progjet didatic: etnografie par furlan te scuele); lis ideis che a àn compagnât e che a van indenant a compagnâ l'insium de autodeterminazion (Fabian Ros, Il fotogram mancjant. Un Friûl cence memorie storiche audiovisive)
   Sin. sium¹
5. s.m. (iperb.) di persone o cjosse di grant atrat o bielece:  al restà strolegât di chel puest maraveôs: - Bielon! Al è un insium (AAVV, Al pues sucedi di dut)
   Sin. maravee , sium¹

Polirematichis e espressions idiomatichis

• brut insium loc.s.m.
• nancje par insium loc.av., loc.inter.