imagjinari
/-nà-/
i|ma|gji|na|ri
[CO]
-
adi.
che nol è reâl, che al è dome concepît de fantasie:
o vevi la cussience che dut il gno mont si jere mostrât imagjinari e insensât, une banâl costruzion di cjartis coloradis, une filaine di siums incjastrâts un dentri di chel altri (Carlo Sgorlon, Il dolfin)
Sin. imagjinât
, fantasiôs
, fantastic
Var. inmagjinari
-
s.m.
complès des ideis, des crodincis e des fantasiis tipichis di cdn. o di une cierte comunitât:
il Consei di Trent al è ancjemò une vore presint tal imagjinari tradizionâl dai furlans e che tes contis al è simpri calcolât di tiermin temporâl fis [...]. Prime dal Consei si viodevin orcolats, maçarots, aganis e vie indevant, daspò si dîs che a àn benedît pardut e che i fats di magjie no sucedin plui (Sandri Carrozzo, Jenfri vîfs e muarts)
-
facoltât di imagjinâ, di pensâ, di fâsi une rapresentazion astrate o une interpretazion de realtât o dai concets:
par fâ lavorâ ben il cerviel dai fruts bisugnave insegnâur dome une lenghe. Une idee cussì semplicistiche e falade e à colpît l'imagjinari dai gjenitôrs progressiscj furlans. Prime i plui a la mode e daspò cuasi ducj a àn scomençât a tabaiâ dome par talian cui lôr fîs (Franc Fari, Il cjâf dai furlans)
Sin. imagjinazion