spudât
spu|dât
[AF]
-
p.pass., adi.
viôt spudâ
, viôt spudâsi
-
adi.
che al è compagn o che si somee une vore cun alc o cun cdn.:
la int no savevin nancje che lui al ves un fi, e i fasin lis maraveis disint che al è propit il so ritrat, spudât so pari (Alan Brusini, Par stradis lungjis);
o sarìn deventâts propit compagns dal dut: precîs, spudâts (Riedo Pup, I furlans e il terorisim)
Sin. compagn
, precîs
, spacât
-
adi.
che al à pardabon ciertis carateristichis, che al è pardabon intune cierte maniere:
al jere un cjapitani sui trentecinc agns, muc spudât: cjavei bionts taiâts curts, alt e ben tressât (Roberto Ongaro, Il muc);
ducj fradis. A sintîju lôr, ducj fradis, cravuats spudâts tancj che a 'nd jere (Ivano Urli, Storie di Min)
Sin. spacât
, patoc
, autentic
, rût1
, vêr
, cuet1
, rampit