Dizionari de Lenghe Furlane

autentic  /-è-/  au|ten|tic  [AF]

1. adi. che al à caratar di veretât, che nol è fals, che nol è une imitazion:  un prodot «made in Friûl», autentic e gjenuin (Riedo Pup, In Friûl cul passepuart)
   Sin. bon , efetîf , origjinâl , positîf , reâl¹ , valit , vêr
   
   1. che al à caratar di completece, che al corispuint ad in plen a un ciert model, ideâl e v.i.:  la pazience, il spietâ, tantis voltis al è autentic amôr di Diu (Francesc Placerean, Cemût tirâ sù i fîs in cheste ete); une propueste di leç cun ducj i elements che a coventin par une tutele autentiche e non par fente (Adrian Cescje, Memoriis di politiche linguistiche); daûr ce che al diseve il filosof todesc Martin Heidegger (1889-1976), l'om al vîf une vite autentiche dome cuant che al è cussient de sô muart (Franc Fari, Neurosiencis dal dolôr)
      Sin. vêr
   2. spec. di document, che al à validitât legâl, par vie che al è l'origjinâl o che al è compagn dal origjinâl
      Sin. autenticât , bon , valit , validât
   3. di opare di art, artesanât o di creativitât, che no je une imitazion, che e je fate pardabon dal autôr che al risulte de firme o de assegnazion o che e je pardabon di une cierte ete storiche:  cuistâ un biel mobil autentic dal Votcent (Roberto Meroi, I Stramps)
      Sin. origjinâl