Dizionari de Lenghe Furlane

reâl¹  re|âl  [FO]

1. adi. che di fat al esist:  il mont reâl nol è dome "relativistic", ven a stâi basât suntun spazitimp curvât, ma al è ancje cuantistic (Sergio Cecotti, Teologjie algjebriche); in gjenerâl, ma in particolâr in Italie e in Friûl, lis leçs a dimostrin in maniere sistematiche di jessi in ritart rispiet ae societât reâl (Sandri Carrozzo, Planificazion debile e mont privât)
   Sin. autentic , dret , materiâl , patoc , rampit , rût¹ , vêr
   
   1. che si verifiche o si è verificât pardabon, che nol è dome in teorie:  cuant che in Friûl e je rivade la Italie a àn stât pôc a fâ il confront reâl e pratic fra la aministrazion austriache e chê taliane (Riedo Pup, Franz Josef e Garibaldi)
      Sin. autentic , dret , materiâl , patoc , rampit , rût¹
   2. s.m. complès des robis che a esistin, che a sucedin o che a son sucedudis, dimension di ce che al esist:  dut le intorcolave e le infondave intune atmosfere fûr dal reâl (Gianni Gregoricchio, Trê feminis); o Crist al è risussitât, e alore il Cristianisim al sta impins, o Crist nol è risussitât, e alore la nestre fede a sarà une biele parabule, ma no à nuie di reâl (Francesc Placerean, La Pasche)
      Sin. realtât
   3. in maniere che e corispuint ae realtât, cun scletece:  jo o disevi simpri a Catin di frontâ Menut par che al fevelàs reâl (Maria Forte, Dome la cjampanute di Sant Bortul)
2. adi. che al corispuint pardabon a un concet, a ce che al è stât pensât, volût, a ce che al è stabilît, a ce che si spietisi e v.i.:  la aprovazion de Leç regjonâl sul leasing agjevolât (1976) e su la ricercje aplicade e la inovazion tecnologjiche (1978), dôs novitâts reâls tal panorame talian (Fulvio Mattioni, Il futûr dal Friûl: laude ae "no sotan" economy)
   Sin. vêr , autentic
3. adi. che al pues sucedi pardabon:  une prospetive reâl
   Sin. obietîf¹ , realistic
4. adi. [TS] mat. viôt numar reâl
5. adi. [TS] gjeom. di entitât, che e je formade di ponts che a àn coordenadis individuadis di numars reâi
6. adi. [TS] filos. che il so jessi al è indipendent dai sogjets che lu cognossin
   Sin. sussistent
7. adi. [TS] dir. che al rivuarde ce che al à valôr juridic
8. adi. [TS] econ. che al rivuarde il valôr economic obietîf di un ben