materiâl
ma|te|ri|âl
[FO]
-
adi.
fat di materie, che si pues percepî cui sens:
la sistemazion e la valorizazion di bens culturâi mobii e stabii, sedi materiâi che no materiâi (Donato Toffoli, Relazion dal Grup di lavôr "Planificazion linguistiche");
al pareve che al esistès nome il mont des robis materiâls, ma plui inlà e jere une dimension invisibile, magjiche, dulà che a vevin il lôr nît lis Potencis spirituâls (Carlo Sgorlon, Il dolfin)
Sin. sensibil
, concret
, corpori
, reâl1
Var. matereâl
-
adi.
che al à a ce fâ cu la materie, cul cuarp, cu la robe, cui bêçs, cul mangjâ e v.i.:
cumò che al veve une cjamare, un lavôr, che nol veve grandis preocupazions materiâls, al veve dentri une spine di altri gjenar (Carlo Sgorlon, Prime di sere)
-
adi., s.m.
che, cui che al è tacât, ancje masse, ai dibisugns e ai plasês fisics, ai bens di chest mont, ai bêçs e v.i.:
cussì no vuei che crodis, cjârs miei siôrs, / che jo sei simpri stât un materiâl / dedicât ai guadagns par mangjâ e bevi (Emilio Nardini, Par vivi);
"E je istruide, studiose, buine… une creature superiôr […]" "E cumò che i pensi ben, masse superiôr forsi, anzit sence forsi par mio nevôt che al è un materialat" (Costantino Smaniotto, Co l'amôr al cimie)
Sin. materialist
-
s.m.
sostance grese o prodot intermedi:
a vevin infornât e disfornât cetantis mai voltis, e il matereâl [modons] al jere lât ben, e vendût (Maria Forte, La tiere di Lansing);
cjapait sù il dopli di operaris, cjolêt a nauli altris cjars e cjavai par tirâ dongje il matereâl, e lait indenant: dentri dal mês o vin di meti sù il cuviert (Pieri Somede dai Marcs, Lis nestris rosis)
-
s.m.
complès di imprescj, documents, publicazions e v.i. che a coventin par une cierte ativitât o che a fasin part di une cierte categorie:
e je stade realizade, invezit, la plateforme internet multimediâl che e met adun materiâi audio, video e di test in lenghe furlane che a rivin dai principâi produtôrs privâts finanziâts de ARLeF e de Regjon (Erika Adami, La lenghe furlane tai mieçs di comunicazion)
-
documents che si studiin o che si controlin par fâ une ricercje, par un studi:
cheste comunicazion e vûl dâur part ai studiôs che al è chel materiâl [doi manuscrits di Toni Broili] a lôr disposizion e al vûl ufrîur une prime descrizion (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
Sin. documentazion
-
adi., s.m.
tren pal traspuart des marcjanziis:
Rugjêr e cualchi altri soldât a àn cjaminât par dodis dîs inte nêf, fin cuant che a àn sintût a soflâ un tren materiâl, cui vagons vierts di une bande (Cristina Noacco, Faliscjis)