sensibil
/-sì-/
sen|si|bil
[AF]
-
adi.
che si pues sintî, che si cognòs o si impare midiant dai sens dal cuarp:
i rais dal soreli pal solit a traviersin la atmosfere cuasi intats e a scjaldin la superficie terestre, che e e mande indaûr energjie in forme di rais infraròs (calôr sensibil) (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. concret
, corpori
, materiâl
, reâl1
, vêr
-
s.m.
dome tal sing., ce che si pues cjapâ sù cui sens dal cuarp:
il scheme implicât de archè, cjolte sù e gjavade fûr dal intelet, al veve di integrâ il sensibil, lâ incuintri ae realtât caotiche (Adrian Cescje, Viaç aes origjins dal Logos)
-
adi.
(fig.)
che al è avonde grant o impuartant di podê jessi notât:
il grât di acuardi des afermazions 3 e 4 si è invezit modificât in mût sensibil (Carlo Cecchini, Matteo Fogale, Une esperience di plurilinguisim inte didatiche de matematiche);
un sensibil câl demografic (Bepi Agostinis, Storie de art in Friûl)
Sin. considerabil
, consistent
, di rimarc
, fuart1
, grant
, impuartant
, notabil1
, rimarchevul
, significant
-
adi.
che al è bon di percepî, soredut cun finece, un stimul o di interpretâ la realtât fisiche:
la piel, simpri plui sensibile, plui vive (Francesca Gregoricchio, PLIN-BRRR, ZZZ-TING, BLENG-BLENG)
-
di organisim o part di organisim, che al sint cun facilitât i efiets di un agjent esterni:
plantis une vore sensibilis aes malatiis (Stefania Garlatti Costa, Dai roncs laboratoris di biodiversitât a nassin vins "rivoluzionaris")
-
di imprest, che al regjistre lis plui piçulis variazions di un fenomen:
lis debulis radioondis che a rivin dal Spazi a àn bisugne di sistemis une vore sensibii par ricevilis (Gloria Angeli, Associazion dal Centri Radio Astronomic de Mont di Muris di Ruvigne)
-
adi., s.m.
che, cui che al reagjìs, ancje in maniere profonde, a un stimul emotîf, afetîf:
«E po tu jeris un frut une vore sensibil za in chê volte», al veve zontât (Raffaele Serafini, Soreli jevât a mont);
Mirco invezit, sensibil al dolôr plui vîf di so cusìn, i veve dite: «O ven ancje jo cun te, mi cjol une vacance» (Alan Brusini, Par stradis lungjis)
Sin. delicât
, dolç di cûr
, dulinciôs
, emotîf
, impressîf
, impressionabil
-
adi.
che al sint e che al cjape sù un stimul culturâl, estetic, politic, economic e v.i.:
un mût di fâ culture sensibil al patrimoni linguistic de nestre tiere e viert a plui sperimentazions (Venusia Dominici, La Associazion Teatrâl Furlane: un spetacul!)
-
s.m.
[BF]
(eufem.)
orghin sessuâl
Sin. nature