delicât
de|li|cât
[AF]
-
adi.
che al à carateristichis moderadis, lizeris, in gjenar ancje armonichis e elegantis:
transitori e cence tignince, come i colôrs delicâts de albe e lis perlis indarintadis de rosade (Antoni Beline, Sant Jacum, là che al finìs il mont);
un sun delicât e lizêr, come di campanelutis (Pieri Menis, Lis leiendis di Buie);
ce odôr, ce savôr delicât, ce delizie! (Arturo Feruglio, Viaç a Vignesie)
Sin. fof
, lizêr
, tenar
Var. dilicât
-
che al pant finece, elegance:
al jere fi de borghesie citadine. Educadin, di profîl delicât (Gianni Gregoricchio, Trê feminis);
be veve simpri une ande delicade, di signorine (Raffaele Serafini, Altris contis di famee)
-
adi.
che nol à tante fuarce, resistence e v.i., che al pues rompisi o ruvinâsi cun facilitât:
barbe Remo lu veve sconseât. Seont lui i [tratôrs] Carraro a jerin delicâts (Checo Tam, I tratôrs)
-
adi.
vulnerabil di salût, che al pues inmalâsi o murî, che al domande curis:
nissun vecjo si ricuardave di une neveade avuâl, ni di tant frêt che al veve fat secjâ i pins, i orârs, i figârs e tantis altris plantis delicadis (Pieri Somede dai Marcs, 11 di Fevrâr 1929)
-
s.m.
massime tal pl., vistît che al domande cure tai trataments:
meti sù il program pai delicâts
-
adi.
(ancje fig.)
une vore sensibil:
al à stomi delicât e al à, simpri, un intindisi faturôs cu la coghe (Maria Forte, Cjase di Dalban)
-
adi.
di azion, situazion, discors, rapuart e v.i., che al domande prudence e rivuart:
cierts reparts [di ospedâl] a puedin restâ tes struturis periferichis ma za cumò pai intervents plui delicâts e je la int stesse che e domande di lâ ta chês plui grandis (Christian Romanin, Amato De Monte: Il Friûl, patrie des bataiis di civiltât);
al jere miôr, intune situazion cussì delicade, che mancul orelis pussibil a sintissin di ce che al jere capitât (Raffaele Serafini, Contis sot spirt)
Sin. critic
, momentôs
, pericolôs
-
s.m.
pont, aspiet, argoment e v.i. che al domande precauzion, rivuart:
il dificil, anzit, il delicât de cuistion, a chest pont, al jere chel di dîjal a cheste femine, chel di domandâi parcè […] (Roberto Ongaro, Cretevierte)
