critic
/crì-/
cri|tic
[AF]
-
adi., s.m.
de facoltât di capî, scrutinâ e judicâ, che al pant o che al à a ce fâ cun chê facoltât:
rifleti su lis compris di fâ, domandâsi e po, dopo di vê tirât dongje lis informazions necessariis, sielzi in mût critic e cussient (Buteghe dal Mont, Luche Nazzi, Guide par un consum just e solidâl);
il popul al po doprâ la sô libertât e il so judizi critic par premiâ chel che al à ben operât (Antoni Beline, Grandis manovris, piçui caporâi)
-
s.m.
cui che al fâs ativitât di analisi, interpretazion e valutazion artistiche, leterarie, politiche e v.i.:
su cheste linie a son ancje ducj i critics che a àn studiât il Pelegrin [di Sant Denêl], che al è considerât il rinovadôr de art furlane (Bepi Agostinis, Storie de art in Friûl);
pre Bepo Marchet (1902-1966) insegnant, scritôr, linguist, storic, critic di art, autôr de prime gramatiche furlane (Roman Michelot, Une glesie incjarnade);
daûr di cualchi critic come Chiurlo e D'Aronco, [lis contis par furlan] a rapresentin il miôr de produzion narative di Catarine Percude (Michela Carpentieri, Il realisim de contesse contadine)
-
adi., s.m.
che, cui che al pant osservazions negativis:
al è stât publicât un editoriâl critic cu la Maiorance regjonâl (Christian Romanin, Pietro Fontanini: «Contile juste» ma no dome);
[i Verts ] a son a pro de integrazion europeane e par chel a son critics viers des modalitâts che la stesse e ven puartade indenant de bande di guviers (Marc Stolf, In aule plui ecologjiscj, regjonaliscj e nazionalitaris progressiscj)
-
adi.
di une crisi, che al pant o che al à a ce fâ cuntune crisi:
il pont plui critic a son i 100 istitûts su 172 in cheste regjon che a son cence dirigjent (Walter Tomada, Plui autonomie pe scuele furlane. La Regjon e cjale a Venit e Lombardie… parcè?)
Sin. cjalt
, culminatîf
, dûr
, grivi
, inciert
, malsigûr
, pericolôs
-
che al compuarte o che al impon une soluzion o une sielte definitive:
chest timp al è ancje un timp critic parcè che al è il moment di decidi la direzion che o vin di cjapâ (Luche Nazzi, Il prin pas ai Comuns)
Sin. culminatîf
, decisîf
, fondamentâl
, momentôs
-
che al è une vore impuartant:
une struture cerebrâl critiche inte rapresentazion des emozions, dal dolôr e dal stâ ben, ven a stâi la "insula" (Franc Fari, Neurosiencis de meditazion)
Sin. fondamentâl
, centrâl