pericolôs
pe|ri|co|lôs
[FO]
-
adi.
che al compuarte la pussibilitât o probabilitât di vê dams:
il vecjo nol varès mighe podût fâ simpri chel mistirat pericolôs [il cuintribandîr] (Pieri Menis, Vigji il cuintribandîr);
po stâi ancje che [la cjace] e sei pericolose, par vie che aromai i cjaçadôrs a son cussì fis che cuant che si trai al è plui facil falâ un jeur che no un cjaçadôr (Riedo Pup, La cjace e i laris)
Sin. azardôs
, riscjôs
, risiôs
Var. periculôs
, piriculôs
-
adi.
che al pues fâ dams a robis o personis:
il garbon […] nol à velen e nol è pericolôs (Sandri Carrozzo, Friûl di Magance);
il stes comissari gjenerâl civîl pe Vignesie Julie, Mosconi […] si cjatarà a scugnî mandâ indaûr, in pôc plui di un an (1921-1922), passe 10.000 elements judicâts pericolôs pe publiche sigurece (Carli Pup, La seconde Irlande)
-
(iperb., iron.)
che al pues dâ fastidi:
e jentrà […] un pôc malcuiete di pôre di cjatâ une code di int, ma dome dôs feminis a spietavin la lôr volte e, di chês dôs, une sole pericolose. Chê peolone di Pine Taboghe (Maria Forte, La tiere di Lansing)
-
adi.
di malatie o feride, che e pues lâ in piês fin a menaçâ a fuart la salût o la vite:
«Un grant esauriment, che al po sei pericolôs» al veve dit il vecjo miedi (Maria Forte, La tiere di Lansing)
Sin. brut
, grâf
, grivi
, insiliôs
, seri
-
adi.
che al pues puartâ a discussions, a ufindi sensibilitâts, interès e v.i.:
cualchidun al à fate peraule di domandâ un «referendum» popolâr: ma chel al è un tast pericolôs e i aversaris lu san (Josef Marchet, Sturm und Drang)
Sin. critic
, delicât
Proverbis:
- i estrems a son pericolôs
- i trê “c” pericolôs: cugnât, copari, cusìn
- il prin e l'ultin sgrisul a son chei pericolôs