documentazion /-òn/ do|cu|men|ta|zi|on [CO]
- s.f. il dâ dongje, ordenâ, analizâ documents e informazions contignudis in documents e il lôr risultât: il lavôr di Del Piccolo al è un monument a la int de Basse e de marine, di ca e di là dal Tiliment, un lavôr mestri di ricercje e di documentazion paîs par paîs (Domeni Zannier, Mîts e flabis de Patrie); chel che al è sigûr al è il risultât pedagogjic: un lavôr di grande finece, par la sielte dai argoments, pal mût di tratâju, par la documentazion dal percors (Pierino Donada, Une grande risorse)
- s.f. complès di documents, in particolâr cun informazions che a coventin par dimostrâ alc: il gjen. Olivieri al veve consegnât a bons. Aldo Moretti dute la documentazion su lis ativitâts segretis che la sô organizazion e veve inmaneât vie pe Benecija intai agns dopo de vuere (Antoni Beline, La veretât in tribunâl); si cjate ancje la documentazion dal procès, e la relazion dal Lutignint Miani, che e à dentri lis acusis (Pierluigi Visintin, Friûl e furlans te Histoire de ma vie di Giacomo Casanova)