realistic
/-lì-/
re|a|lis|tic
[AF]
-
adi.
che al è coerent cu la realtât, che al pues jessi reâl o che si somee cu la realtât:
i Vescui, tal lôr document, a ricognossin e a declarin che nol è realistic ipotizâ un tornâ al passât (Riedo Pup, Tornìn a fâ fieste)
Sin. verisimil
-
adi.
che si fonde sui fats, che al cjale ae realtât concrete dai problemis:
e vûl int positive, pratiche, cence mistichis di partît, cence pretesis di voltâ il mont cu la bachete de strie, cence fisimis ne nazionalistichis ne antinazionalistichis: a vuelin cerviei libars, serens, realistics (Josef Marchet, E cumò?);
Sclâf al restà une vore mâl de rispueste dal partît. Di om realistic come che al jere al acetà pal moment la decision, ma al scrivè la dì dopo a di Cjaurià dôs letaris, e une tierce cualchi zornade plui tart (Adrian Cescje, Memoriis di politiche linguistiche)
Sin. pragmatic
, pragmatistic
, pratic
, positîf
, concret
-
adi.
[TS]
art, let.
di artist o di opare artistiche, ispirât ae riproduzion fedêl de realtât:
tai prins agns o pituravi la biele figure compositive, che cualchidun mi dîs: "Orpo, no ti cognossevi cussì". La figure e jere plui complete e realistiche parcè che mi soi formât dopo de vuere tal moviment neorealistic (Gabriele Zanello, Poz: l'ultin morâr);
Davide Maria Turoldo al zire il film "Gli ultimi", cuadri realistic di un Friûl contadin une vore lontan de dimension bucoliche e idealizade che e faseve une vore comut ai sorestants politics (Angelo Floramo, Cuintristorie dal Nûfcent 1960-1970)
-
adi.
[TS]
filos.
dal realisim filosofic, tant che corint de scolastiche che te valutazion dal probleme dai universâi e assegne une realtât obietive ai concets universâi
-
dal realisim de filosofie moderne, che al ricognòs une esistence intrinsiche dal ogjet de cognossince, in mût indipendent de ativitât cognossitive, in contraposizion cul idealisim