pratic
/-à-/
pra|tic
[AF]
-
adi.
che al à caratar reâl e concret o che al à a ce fâ cu la realizazion o cu la situazion concrete:
no saressie stade par me une providence se ves pensât un pôc di plui al mio avignî, ocupantmi in cualchi ogjet plui pratic e sigûr, intune peraule, se fra lis dôs stradis o ves sielte la plui curte e profitevul? (Giovanni Gortani, Trê Rafaei in jerbe);
cuant che in Friûl e je rivade la Italie e àn stât pôc a fâ il confront reâl e pratic fra la ministrazion austriache e chê taliane (Riedo Pup, Franz Josef e Garibaldi)
Cfr. empiric
, concret
, positîf
-
adi., s.m.
che, cui che al abade dome o soredut ae realtât concrete des robis:
pûr se di par se no si sintive la anime poetiche o romantiche (jê si svantave di sei une femine pratiche), e jere restade prin maraveade e po dute incjantade a viodi chel lûc di paradîs (Franca Mainardis, Il sium di Lissandri)
Sin. concret
, franc
, operatîf
, pragmatic
, realistic
, sfrancjât
-
che, cui che al agjìs cun eficacitât e semplicitât:
on pratic come che l'è, i da la gafe a di un curtissat, lu uce cu la sô runcee e po al si tache a spelâlu [il jeur] e a scuartâlu e lu bute intun lantian (Dolfo Zorzut, La corodele tradìs sant Pieri)
-
adi.
che al è facil e comut di doprâ, fâ, puartâ, meti in vore o sim., che al fâs ben la sô funzion:
o vin di vê sotman e daurman une vore [lessicografiche] pratiche, concrete e vonde complete, che nus permeti di impirâ une peraule o une part di discors cence sudâ frêt (Antoni Beline, Pai furlans di vuê);
un librut di 64 pagjinis, formât opuscul, par tant une vore pratic di puartâsi daûr (Bruno Sedran, Spilimberc)
Sin. funzionâl
Cfr. svelt
, concret
, bon
, facil
-
adi.
di cdn., che al à esperience, competence, cognossince:
lis ondis sbatevin simpri plui fuart, e ogni volta che lis dôs barcjis pareva che dovessin tocjâsi, una gnova ondada lis divideva indaûr. "Daitnus un rem" al disè Jacun; ma il pescjadôr, pratic di chel davoi, no si fidava (Federigo Comelli, Il me paîs);
a vevin propit dibisugne di un bon fari, pratic di tempare (Roberto Ongaro, Il muc);
cussì o deventai pratic, cence volêlu, di dutis lis sôs usancis e i siei oraris (Carlo Sgorlon, Il dolfin)
Sin. competent
, espert
, franc
, industriât
, cognossidôr
, savût