facil
/fà-/
fa|cil
[FO]
-
adi.
che nol compuarte problemis, che nol domande sfuarç, fadie, grande abilitât, cognossince e v.i.:
un pâr di ideis, facilis di preparâ, par meti adun un gustâ complet e saurît (Margherita Timeus, Cusine etniche, parinte strete de cusine furlane);
Gurize, di un cjistielat che e jere sot i siei conts, e jere deventade une citadine di gale, cui siei palaçs, cui siei zardins e une vite cetant plui facile e comude (Josef Marchet, Cuintristorie dal Friûl fin sot la Italie);
o imagjinais che nol è tant facil metisi a fevelâ a tante int, a tancj furlans, dopo un taramot di chê fate (Francesc Placerean, Di ducj i dons dal Spiritussant, cumò al covente il don dal coragjo)
Sin. di nuie
, dret
, plan1
, slis
, vualîf1
, comut
, elementâr
, sempliç
, svelt
, asiât1
, trancuîl
-
adi.
che al capìs e si compuarte in maniere moderade e facile di previodi:
un frut facil
Sin. biât
, cjandit
, degnevul
, docil
, sclet
, sometût
, sudizionôs
, mugnestri
-
adi.
di cdn., massime di femine, che e va cun cualsisei:
une fantate che a disin che e sedi facile
Sin. legri
, lizêr
-
adi.
di alc, che al à pussibilitâts o pussibilitâts di jessi vêr, just, di inverâsi e v.i.:
mi disin che o pues ricori e che al è facil che mi tirin jù cinccent francs e che lassin nome lis spesis (Riedo Pup, Jo, evasôr fiscâl)
Sin. probabil
, pussibil
-
ancje cence il predicât, tignint sù une subietive:
facil che [il Megalancosaurus] al mangjàs insets, viodût che al veve la muse lungje e piçui dincj spiçâts (Francesco Gobbo, Gjeologjie e paleontologjie ator di Preon)
-
av.
cence dificoltât, cence problemis:
jê e berlave masse e […] e doprave masse facil la vuiscje (Gianni Gregoricchio, Trê feminis);
cualchi cjamp lui lu vendeve facil. Pluitost e scugnive doprâsi jê, siore Lise, par che no lu vessin imbroiât (Maria Forte, Cjase di Dalban)
Proverbis:
- al è facil di direzi lis cjasis di chei altris, al è la sô che al è une vore dificil
- al è facil di ofindi, dificil al è di sopuartâ
- si crôt plui facil il mâl che no il ben