elementâr
e|le|men|târ
[AF]
-
adi.
che al à nature di element o che si riferìs a un element:
il procès di aprendiment al va dal costituent elementâr, la letare, ae peraule ae frase (Adrian Cescje, Memoriis di politiche linguistiche);
seont la anatomie moderne il cerviel, clamât plui in gjenerâl sisteme gnervôs, al è formât di unitâts elementârs: i neurons (Franc Fari, La evoluzion dal çurviel e de cussience tai vertebrâts)
-
adi.
che al costituìs la fonde, o che si riferìs ae fonde, al element minim di alc, o che al è al nivel di fonde e minim:
fâ l'interès dai partîts cun ducj i mieçs e butant sot i pîts la plui elementâr onestât (Josef Marchet, Il fiar dal ciroic);
cuintri di ogni logjiche elementâr, no dome a àn tacât la regjon storiche dal Friûl cu la citât di Triest, ma, par dâi fuarce a la citât martare, a àn marturizât il popul furlan (Antoni Beline, Une utopie clamade Friûl)
Sin. essenziâl
, fondamentâl
, primari
-
che al è sempliç, naturâl, facil di concepî, di capî, di fâ, no complicât:
i struments di produzion a son elementârs, la energjie doprade e je umane e animâl (Adrian Cescje, Liniis di storie sociâl e economiche dal Friûl 1500 - 1800);
a jerin bastadis chês par che l'ispetôr incjariât de investigazion, cuntune deduzion elementâr, al metès in rapuart l'omicidi cul so autôr (Fabian Ros, L'om che al pierdeve pinsîrs pe strade)
Sin. facil
, sempliç
-
de part plui primitive, istintive dal om o di un organisim:
al podeve abadâi dome che al so cuarp, a lis sôs posizions, ai siei mudaments, a lis sôs dibisugnis plui elementârs (Amedeo Giacomini, Tal ospedâl)
Sin. primitîf
, primordiâl
, naturâl
-
adi.
di scuele, che e je jenfri chê materne e chê medie, li che a van i fruts parsore dai sîs ai dîs agns:
cheste robe jo no le capìs, o ai fate dome la tierce elementâr (Tarcisio Venuti, La cjase di Toni)
Sin. di base
, primari
-
che si riferìs a chel nivel di scuele, che al lavore in chel nivel di scuele o che al derive di chel nivel di scuele:
mestre elementâr, Luzie Sasso e je nassude a Buie e e à insegnât par 35 agns (Roberta Melchior, Culture pes lidrîs)
-
s.f.
scuele li che a van i fruts parsore dai sîs ai dîs agns:
o fasevi lis garis des tabelinis a lis elementârs cul mio compagn Zumel (Checo Tam, Sense)