Dizionari de Lenghe Furlane

realtât  re|al|tât  [FO]

1. s.f. cundizion di ce che al è reâl, concret, di ce che al esist o che al sucêt di fat:  al podarà compatî e vê dûl, ma la realtât di chê fam, no, nol podarà sintîle su la sô piel (Gianni Gregoricchio, Trê feminis)
   Sin. jessi¹ , veretât
2. s.f. complès di ce che al esist:  un assorbiment meditatîf (dhyana) che al pues puartâ ae union de persone che e medite cu la totalitât de Realtât (samadhi) (Franc Fari, Neurosiencis de meditazion)
   Sin. mont² , reâl¹
   
   1. situazion concrete:  la politiche e je une realtât di scuintri e divisions, che no rive a componi unitâts se no provisoriis e parziâls (Adrian Cescje, Viaç aes origjins dal Logos); un assorbiment meditatîf (dhyana) che al pues puartâ ae union de persone che e medite cu la totalitât de Realtât (samadhi) (Franc Fari, Neurosiencis dal dolôr)
      Sin. mont² , situazion , dimension
   2. singule robe che e esist:  il sium vieri dai Batistons di Cleve al jere deventât une realtât (Dino Virgili, La aghe da pît la cleve)
3. s.f. struture, grup, moviment, fenomen e v.i. che al puarte indevant une cierte ativitât o ativitât che e ven metude in vore:  la debilece [de planificazion linguistiche] e fâs che lis iniziativis privadis puartadis indevant des realtâts plui dinamichis, cualchi volte a vegnin fintremai cjaladis cun fastidi o cun invidie (Sandri Carrozzo, Planificazion debile e mont privât); il cussì clamât "revival etnic" al jere za une realtât cun diviersis iniziativis culturâls e rivendicazions politichis in vore in ducj i Stâts membris de Comunitât (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât)