veretât
ve|re|tât
[FO]
-
s.f.
il jessi vêr, just, il corispuindi a ce che e je la realtât:
no intint rivendicâ nuie su la profonditât o la veretât des ecuazions midiesimis, ni su la serietât des lôr presumudis implicazions teologjichis (Sergio Cecotti, Teologjie algjebriche);
[la matematiche] e je teorie dimostrative, che e trasmet la veretât dai assiomis ai teoremis, cu la fuarce de logjiche (Adrian Cescje, Viaç aes origjins dal Logos)
Sin. autenticitât
, realtât
-
s.f.
ce che al esist, che al è vêr in assolût o in rapuart cun cierts fats:
i vêrs interès dal Friûl no àn impuartance pai nestris esponents dai partîts. Cheste e je la veretât (Josef Marchet, Cuarde e savon);
il gjornâl lu leieve trê voltis, che no i someave vêr, po lu butave tal fûc come par scancelâ la veretât (Alan Brusini, Come tai romançs);
i mucs a scrupulin za la veretât e si metin a cirînus (Maria Forte, Cjase di Dalban)
Sin. reâl1
, vêr
-
s.f.
afermazion o cognossince che e corispuint a ce che al esist pardabon, a ce che al è sucedût pardabon e v.i.:
"No mi contais la veretât!" e i fasè cuintri al om (Gianni Gregoricchio, Trê feminis);
cheste e je stade la uniche veretât che mi à dite in mieze ore di discors (Josef Marchet, Lis predicjis dal muini)
-
s.f.
il jessi sclet, il dî ce che al è vêr o ce che si pense o che si sa cence platâ:
ti fasin une ridade lôr se tu ur fevelis di veretât, di onestât (Pieri Piçul, Vieri e gnûf)
Sin. scletece
, sinceritât
Polirematichis e espressions idiomatichis
Proverbis:
- a dî la veretât si laude diu
- al bausâr no si po crodii nancje la veretât
- cui che ti visite tes gnocis e no ta la infermitât nol è to amì par veretât
- il cjoc al pant la veretât
- il vin al dîs la veretât
- il vin al fâs dî la veretât
- la veretât a sta ben ancje in cjase dal diaul
- la veretât e je une sole
- la veretât no sta cuvierte
- la veretât o di fieste o di dîs di vore tant che il vueli e ven parsore
- la veretât o tart o a buinore e ven in lûs