Dizionari de Lenghe Furlane

pûr²  pûr  [FO]

1. adi. che si presente intal so stât naturâl, cence alterazions, o che al è rafinât in maniere di no jessi misturât o contaminât:  un milion e mieç di oncis di aur pûr, vendudis par 30 milions di dolars (Javier Grossutti, La emigrazion dal Friûl - Vignesie Julie in Canadà); la lampadine e vignive scjaldade a alte temperadure par fâ svaporâ il supuart e otignî il prodot finâl, ven a stâi grafite purissime (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
   Sin. rût¹ , rampit
2. adi. che al è net, che nol à sostancis che a fasin mâl:  vivi intun paîs di montagne là che la arie e je plui fine e pure (Roberto Ongaro, Cretevierte); al veve fat rivâ jù la aghe plui pure che e sgornàs des monts (Maria Forte, Cjase di Dalban)
   Sin. crei , cristalin , incontaminât , mont³ , net , pulît , rampit , rût¹ , vergjin , limpi
3. adi. par esprimi limitazion, esclusivitât:  soluzions che no jerin di pure grafie, che no cjalavin dome al aspiet fonetic de cuistion, ma a jerin veris e propriis sieltis di formis morfologjichis (Adrian Cescje, Memoriis di politiche linguistiche); ogni riferiment a fats reâi al è dal dut casuâl e che i nons, ancje chei che no ai fat, a son di pure fantasie (Fabian Ros, L'om che al pierdeve pinsîrs pe strade)
   Sin. sôl , rût¹
   Cfr. dome , nome
4. adi. di individui o raze animâl o vegjetâl, che nol diven di incrosaments cun razis diviersis:  il miscliçament des razis al fo plui o mancul fuart su la planure; ma sui cuei e massime tes monts la çocje celtiche e restà dibot pure fintremai ai nestris timps (Josef Marchet, Cuintristorie dal Friûl fin sot la Italie)
   Sin. sclet , arût , rampit , rût¹
5. adi. dal lengaç, che al à intat il so caratar origjinari, che nol è influençât di altris idiomis:  procurâ di doprâ une lenghe pulide e, si podarès dî, "pure" (Sandri Carrozzo, Modei di lenghe scrite e imprescj linguistics)
   Sin. bon , clâr , net , rût¹ , sclet
6. adi. di une sience, di un studi, che al trate i contignûts cun criteris teorics, lassant fûr cualsisei aplicazion pratiche:  i sengui tiermins de teorie […] a saran presentâts tant che principis de fisiche pure (Sergio Cecotti, Teologjie algjebriche)
   
   1. di un studiôs, che al trate in forme teoriche la sô dissipline
7. adi., s.m. (fig.) che, cui che nol è contaminât dal pecjât, cence vizis, colpis, difiets dal pont di viste morâl e religjôs:  riferiment clâr ae arcje di Noè, li che a jentrin siet cubiis di animâi pûrs e une cubie di animâi impûrs (Giovanni Battauz, Flavio Cossar, Renato Iacumin, I mosaics de basiliche di Aquilee); Bepi nol varès mai dit chestis robis! Al jere un pûr! (Luciano Rocco, La foghere)
   Sin. cast , imaculât , mont³ , net
   
   1. che nol à vût ancjemò relazions sessuâls:  chel che le à cjolte, le à cjolte pure come sante Clare (Meni Ucel, Otavari a Madone)
      Sin. vergjin , cast
   2. s.m. ce che nol è contaminât dal pecjât, de colpe e v.i.

Polirematichis e espressions idiomatichis

• il pûr dal impûr loc.s.m.

Proverbis:

• il vin al è bon di Avrîl pûr e Mai temperât