limpi
lim|pi
[CO]
-
adi.
che si pues viodi traviers, che al lasse passâ la lûs:
la aghe e jere ancjemò tant limpie, i disè, che si viodeve tal fonts de ledre jerbis e claps (Agnul di Spere, Il puint de ledre)
Sin. trasparent
, lampit
, clâr
, net
Var. limpit
-
adi.
(fig.)
cence nissune impuritât morâl:
l'Ariul nol jere plui il passetimp limpi di simpri, ma pitost une scuindarole pes baronadis, pes clapadariis cuintri chei che a passavin sul puint (Maria Forte, La aghe dal Ariul)
Sin. lampit
-
adi.
(fig.)
une vore net e facil di viodi, distingui, capî:
la lenghe furlane doprade [di Fabian Ros] e cor vie limpie cence nissune sfuarçadure (Laurin Zuan Nardin, Evoluzionisim sot esam);
no vin plui ni il timp ni il privileç di ignorâ ce che al è clâr e limpi (Marianna Tonelli, Il mont sul troi di un cambiament radicâl e globâl inevitabil);
a nivel cuantistic, al esist un principi di indeterminazion pe gjeometrie par la cuâl i ponts "precîs" de gjeometrie ordenarie no esistin ma a son rimplaçâts di entitâts mancul limpiis (Sergio Cecotti, Teologjie algjebriche)
Sin. clâr
, net
, lampit