crût
crût
[FO]
-
adi.
che nol è cuet:
une diete sane e previôt almancul 5 porzions di pomis e verduris ogni dì: une porzion e je la cuantitât di pomis o verduris crudis che a stan dentri di une man, o mieç plat di verduris cuetis (Guglielmo Pitzalis, Mangje san 2)
-
che nol è avonde cuet:
une polentone alte come une mont, zale, mâl sfarinade e cualchi volte crude, e fumave su la taule (Pieri Menis, La scuele dai fornasîrs)
-
adi.
dal persut, che al è fat cu la cuesse no cuete, dome salade e stagjonade:
il Sant Denêl al rapresente il 15 par cent dai consums nazionâi di persut crût (Oscar Puntel, Un persut unic par un lûc unic)
-
s.m.
persut dome salât e stagjonât, no cuet:
che al mi dedi doi etos di crût e un salam intîr par plasê
-
adi.
che nol è ancjemò madûr:
lis vacjis lis vevin mangjadis i todescs, i cunins si ribaltavin te cuninarie cu la panze sglonfe, lis fueis dai lens a jerin penzis e magladis e lis pomis, di crudis a levin fraidis cence madressi (Alan Brusini, Come tai romançs);
i miluçs da pît dal ort che al à a miezis cun so cusin: a jerin crûts, colôr de fiere, cul pêl lunc parsore; par madressi ur coventavin ancjemò doi mês (Josef Marchet, Lis predicjis dal muini)
Sin. garp
, crei
, vert
-
(fig.)
une vore zovin:
aromai a mandavin in trincee ducj, fantacins crûts e viei carampans
-
(fig.)
di persone, che no à ancjemò esperience:
un garzon cun tante buine volontât, ma crût dal mistîr
Sin. crei
, vert
, malpront
-
adi.
di materiâl, naturâl, no cuet o no lavorât:
la lôr vite si davuelzeve su chel fonts di fornâs todescje, cul modon crût e grîs imprin, po ros come impiât, cul lâ dai mês (Maria Forte, Mabile la Lunghine)
Sin. rût1
, grês
-
cence furniments:
e veve viodût di brut voli chê tavaie su la balaustre pe comunion gjenerâl, mâl sopressade, contose, spergotade di cere, maglade di rusin, cul merlo a sbrendul. No veve ricevût vulintîr il Signôr su chê canevace; miôr sul marmul crût e frêt (Pieri Menis, I sioperos dal muini)
-
adi.
(fig.)
dûr di sopuartâ, che al è dificil di acetâ e v.i.:
i nestris vecjos a garantissin che lôr a puedin clamâsi fortunâts, parcè che, prime di lôr - come che a contavin i lôr vons - a jerin stâts timps ancjemò plui crûts (Riedo Pup, I furlans e la fam);
mi sintivi bandonade dal amì che plui o vevi confidât. Cheste e jere la crude veretât (Gianni Gregoricchio, Trê feminis)
Sin. brusc1
, dûr
, ponzint
, scabrôs
, scontrôs
, trist
, violent
, carogne
-
che nol è delicât:
al jere zâl e scarm in muse e une lampade masse fuarte e crude, piade juste parsore di lui, insuazade tun telâr metalic incjastrât tal mûr, lu faseve ancjemò plui patît (Agnul di Spere, I prâts des Savodagnis);
o vin puartât scandul, cul nestri lengaç crût e garp (Josef Marchet, Alo, indenant!);
a fasin une musiche crude che si pues definî postpunk (Checo Tam, La maree nere)
-
adi.
plen di violence, di tristerie inumane:
vie pe seconde vuere la mont e je ancjemò teatri di fats une vore crûts jenfri partigjans e trupis di ocupazion todescjis e cosachis (Mauro Pascolini, Andrea Guaran, La mont furlane);
i doi omis a si implantarin un cuntra l'âtri, crûts tant co loufs: a tacarin a menâ i braçs cuntuna fuarça rabina come se a vessin vût da gjavâsi la cjar (Novella Cantarutti, I voi di Miriscja)
-
adi., s.m.
(fig.)
di clime o stagjon, frêt:
no si visavin nancje i viei de Plêf / di un frêt compagn, di une stagjon plui crude: / glaçade la aghe dei mulins e nêf, / ma nêf che tante no 'nd àn mai viodude (Enrico Fruch, Pre Tite);
in chel an la nêf e menà un Invier plui crût di mai cui corvats sidrâts su lis cumieris e i lens che a criçavin di glace (Maria Forte, La tiere di Lansing)
Sin. dûr
, frêt
, garp
, grêf
, grivi
, scabrôs
-
s.m.
il no jessi cuet, consistence, savôr, sensazion che al da ce che nol è cuet:
il dì de Cinise, tune ostariute di campagne cu la cisile za sot la linde e la viole tal ricès da pît la cise, il grîs dal «memento» de matine si intone ae stiele di magri de renghe e al crût fresc dal lidric cul poc cjapât sù vie pe sere (Dino Virgili, La aghe da pît la cleve)
-
s.m.
di pome, il no jessi madûr:
chei miluçs alì a son di un crût che ti lein i dincj
Sin. garp
, crei
-
s.m.
timp, aiar frêt, temperadure basse che e fâs patî frêt:
prin di jessi, viôt di cuvierziti ben, che al è un crût… (Pieri Menis, Il «pigjama»);
a Codroip e jere usance vielonone di lâ a benedî pes cjasis dôs voltis ad an a Pasche Tafanie e a Pasche Maiôr, tal crût dal Invier e tal cricâ de Vierte (Antoni Beline, Pre Pitin)
-
s.m.
bêç, monede:
chel li, Silvio, nol à, e nol à mai vût un crût, lui; par chel al sta in bande (Meni Ucel, I colaçs);
al rivà cence un crût te sachete, cun tante fam e une voie mate di sgnape (Maria Forte, Cjase di Dalban)
Sin. franc
, carantan
Polirematichis e espressions idiomatichis
Proverbis:
- o cuete o crude il fûc le à viodude
- pes cuet e cjâr crude