garp
garp
[CO]
-
adi.
che al à il savôr tipic dai acits:
il pai i veve insegnât a supâ planc une jerbe lungje, che si clamave "pan e vin": garbe tant che l'asêt, ma e distudave la sêt (Angelo Floramo, Laure e la bussade a Marie Luise);
se il soreli dal Istât nol rive adore di madressi i raps di ue, il vin al vignarà garp (Claudio Romanzin, A disevin i vecjos)
Sin. aspri
, brusc1
, crût
, garbit
, grest
, agri1
, acit
Var. gherp
Cfr. crei
, crût
, fuart1
, fuartin1
, fuartiç
, becant
-
s.m.
savôr tipic de robe acide, tant che par esempli limon o asêt:
larai a cjolti un got di vin che el garp al ti slichi jù… (Dolfo Zorzut, No je plui vive)
-
ancje riferît a un odôr, che al beche tal nâs:
a si nasa l'odour garp / di ua folada (Anellina Colussi, Odour di most)
-
adi.
(ancje fig.)
ancjemò no madûr, ancje riferît a persone, part dal cuarp e v.i.:
a veva tirât dongja inmò doi canais garps e maldirets, nudrîts come che a podeva, no nencja par mala cura, ma par no savê inzegnâsi (Novella Cantarutti, Torero)
Sin. vert
, crût
, crei
-
s.m.
il no jessi madûr:
ma pal garp das sôs tetutas / lui al à mans a zumiela / e pal so cûr al à una cjasa / in forma di stela (Giorgio Ferigo, Romance dal murôs inesistent)
-
adi.
(fig.)
che al è trist, agressîf o ancje che nol plâs, che al è dûr di sopuartâ:
mi comandà cun vôs garbe di metimi in zenoglon e di tignî sù i braçs (Lucio Perès, Ocasion piardude);
trê fantatis garbis plui de mare dal asêt, che nissun no si è mai impaçât cun lôr (Alviero Negro, Cjase Asquine);
"O vês un paradîs, chencit, paron Cuesim, ma par rivâ sù!… " al fasè un moto cu la man par dî che e je garbe (Dino Virgili, La aghe da pît la cleve)
Sin. brusc1
, crût
, dûr
, sponzint
, trist
-
s.m.
sensazion che e displâs, che e je dure di sopuartâ:
al scova cui voi par ducj i cjantons da la cusina. Al si sint sglonf: di moneda? di gust? di garp? (Novella Cantarutti, I cjans di not)
Polirematichis e espressions idiomatichis